Aktivitete të shumta në Malishevë në prag të shënimit të Pavarësisë

16/02/2017 Institucionet

Në vigjilje të shënimit të nëntë vjetorit të Pavarësisë së Republikës së Kosovës, në Malishevë, krahas organizimeve të komunës, janë organizuar një varg aktivitetesh, sidomos në institucionet shkollore. Në mesin e këtyre aktiviteteve, edhe fëmijët e çerdhes në Malishevë, ka vizituar komunën, ku janë pritur nga Kryetari i Komunës së Malishevës, Ragip Begaj.

Fëmijët, me këtë rast, kishin sjellë punime të bëra në çerdhe, e të cilat i kushtohen 17 Shkurtit, Ditës së Shpalljes së Pavarësisë së Republikës së Kosovës, si dhe kanë recituar vjersha. “Kjo është vizita më e veçantë për mua dhe unë ju falënderoj për këtë aktivitet dhe jam shumë i kënaqur me aktivitetin tuaj”, tha kryetari Begaj.

Po ashtu, edhe shkolla “17 Shkurti” në Banjë dhe “Kajtaz Ramadani” në Kijevë, i kanë shënuar ditët e shkollave të tyre. Në këto aktivitete, kanë marrë pjesë edhe kryetari Begaj dhe drejtori i arsimit, Avdi Morina, të cilët i kanë përshëndetur dhe uruar këto shkolla.

Nga ana tjetër, organizuar nga Drejtoria për Kulturë, Rini dhe Sport, janë duke u mbajtur aktivitetet sportive, të cilat pritet të përfundojnë nesër.

Gjatë ditës së nesërme, në Malishevë, do të zhvillohen aktivitetet tjera, si mbledhja solemne e Kuvendit të Komunës së Malishevës, pastaj nderime dhe homazhe, koncerti tradicional dhe finalja ne turnirin e futsallit.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara