Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i OKB-së, Ban Ki Mun ka deklaruar se më së paku 500 sirianë janë vrarë e 2000 të tjerë kanë marrë plagë, gjatë intervenimit të forcave të Assadit të mbështetura nga aeroplanët dhe artileria ruse, në luftimet që po zhvillohen për ta marrë qytetin e Halepit, të cilin ende po e mbajnë nën kontroll forcat kryengritëse opozitare. Banorët e këtij qyteti janë ballafaquar me bombardimet më të rënda të mundshme, prej më shumë se pesë viteve qysh kur kanë filluar luftimet e forcave kryengritëse kundër regjimit kriminal të Assadit. Pavarësisht se Rusia po bombardon pandërprerë Halepin ministri i Jashtëm i këtij shteti ka thënë se kryengritësit gjoja po i pengojnë ndihmat humanitare për popullatën civile. Qindra mijëra sirianë në këtë qytet kanë mbetur të bllokuar, pa kushte minimale ekzistenciale dhe në bombardime të pandërprera.
