mbpzhr
muqa 900
vipa
Fillimi / Kultura / Elife Luzha: Katër poezi nga përmbledhja poetike, “Mos ma vrisni lotin”
Elife Luzha

Elife Luzha: Katër poezi nga përmbledhja poetike, “Mos ma vrisni lotin”

  PRAPASKENAT

Gjithçka rrjedh nga padukshmëri e dukshme

Trillime errtane tejbartin pakuptimësi

Hulli të përhumbura arenave shtillen

Duke kurdisur komplote tinëzare

Shenjëzuar kanë qenien time

 

TURBULLIRË

Fushave blerore

Mjegullturbullta shtrirë

Fijëza të zbehta drite

Mezi çajnë ajrin

Shikimi i hinktë tretet

Hapësirave të mugëta

Kudo erë myku e bloze

Klithje egërshane hedhurina

Kuisje qensh të pastrehë

Perandori llumi

Babëzi  trishtim

Varur në fije peri rri

Si shëmtirë

 

THËLLIMË

Tavernave në tym cigaresh enden

Sorollaten nanuriten shtiracakët

Bjerrin kohën me fjalë e kotësi

Prozhmime të paqena sajojnë

Në strofka harbutësh rritur

Atdhenë e duan zezonë

Ligavecët si egjra po mbijnë gjithandej

Zëri i atdhenjtë s’dëgjohet kund

Ç’makth ç’thëllimë medet

 

PËRPLASJE

Rreze të vezullimta yjesh ndriçuan fushnatën

Dritësimë e zbehtë gjysmëhëne ia behu fill

Luadheve në errësirë aromë vese u vjen

Hapësirave të mugëta kalamendet ëndrra ime

Asnjë xixë shkëndijuese dot s’e mbërrin

O përjetësi hyjnore dritës agullimave lindur jam

Tempull perëndish në fole zjarri ngrehur

Ballëqiellit tim lartësitë ilire rrezëllojnë

Unë bijë yjesh isha dhe do të jem gjithmonë

Amin!