Fabrika e Kërpudhave në Gushafc të Mitrovicës punëson dy persona me sindromën Down  

Me iniciativën e kryetarit të komunës së Mitrovicës,  Agim Bahtiri, Fabrika për prodhimin e kërpudhave në Gushafc të Mitrovicës, ”Hirano Mushroom”, ka punësuar dy persona me sindromën Down.

Përveç kësaj, kryetari Bahtiri dhe drejtuesi i fabrikës së kërpudhave, Valdrin Lluka, kanë  pritur në ambientet e fabrikës anëtarët dhe udhëheqësit e Organizatës “Syndrome Down”, të Mitrovicës.

Kryetari Bahtiri, tha me këtë rast se është shumë i lumtur që bashkë me anëtarët e Shoqatës “Syndrom Down”, po qëndron këtu, të cilët po kënaqen duke shikuar ambientet e bukura të fabrikës.

Ai tha se këta persona meritojnë një kujdes shumë më të madh të shoqërisë dhe institucioneve dhe se është shumë njerëzore që me ta të ketë një komunikim më të shpeshtë, që të identifikohen problemet dhe nevojat e tyre dhe të bëhen përpjekje maksimale për t’iu dalë në ndihmë, sepse ata këtë e meritojnë.

“Komuna deri më tani është që të plotësoj të gjitha kërkesat e kësaj kategorie, me aq mjete sa kanë lejuar mundësitë buxhetore. Ndërsa sot, po e bëjmë një hap shumë të rëndësishëm, po i punësojmë në këtë fabrikë dy persona dhe besoj se atyre sadopak po ua lehtësojmë jetën, me këtë edhe po ju bëjmë me dije këtyre personave që të mos ndjehen të diskriminuar, sepse do të vazhdojmë të gjejmë mundësi për punësimin edhe të personave të tjerë”, tha kryetari Bahtiri.

Drejtori i fabrikës Valdrin Lluka, u shpreh të jetë i kënaqur  që po ka mundësi që të ju dalë në ndihmë personave të prekur nga sindromi Down.

“Sot jam shumë i gëzuar që të ju uroj edhe publikisht punësimin dy personave të kësaj kategorie. Jam i bindur se edhe punëtorët tjerë janë të gëzuar dhe do të kenë kujdesin maksimal ndaj tyre, duke ju ndihmuar dhe duke i trajtuar siç është më së miri. Ju premtoj se do të ju mbështesim edhe në riaktivizimin e shkollës ku do të mësoni ju“, ju tha ndër të tjerash anëtarëve të kësaj organizate, drejtori Lluka.

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …