Filloi asfaltimi i rrugëve në Dragobil

28/10/2016 Institucionet

Në kuadër të rregullimit të infrastrukturës së përgjithshme në Komunën e Malishevës, pas rregullimit, ka filluar edhe asfaltimi i rrugëve në fshatin Dragobil. Asfaltimin e rrugëve, e kanë parë nga afër edhe Kryetari i Komunës së Malishevës, Ragip Begaj dhe drejtori i urbanizmit, Ahmet Morina, të cilët i kanë uruar banorët, për përfundimin e rrugëve.

“Rregullimi i rrugëve, bëhet në kuadër të investimeve në projektet kapitale, përmes së cilave rritet edhe mirëqenia e qytetarëve dhe ne jemi të përkushtuar në rritjen e mirëqenies së qytetarëve të Komunës së Malishevës”, tha kryetari Begaj, i cili më pas i përgëzoi banorët.

Drejtori i urbanizmit, Ahmet Morina, tha se janë rregulluar dhe po asfaltohen të gjitha rrugët brenda fshatit, dhe “ si drejtori, janë drejt përfundimit të të gjitha projekteve të infrastrukturës në Komunën e Malishevës, të parapara për këtë vit”.

Kryetari i fshatit Dragobil, Salih Paçarizi, në emër të fshatit e ka falënderuar Komunën e Malishevës dhe kryetarin Begaj, për asfaltimin e rrugëve, të cilat janë në shërbim të qytetarëve, ndërsa fshati, çdo ditë po e ndryshon pamjen, përmes këtyre investimeve.

Ditë më parë, në Dragobil, ka përfunduar edhe ndërtimi i nënkalimit, në afërsi të shkollës.

Kontrolloni gjithashtu

Në ShFMU “Rudolf Walther” në fshatin Dejnë po vazhdojnë punimet në terrenin sportiv

Po vazhdojnë punimet në rregullimin e terrenit sportiv në ShFMU “Rudolf Walther” në fshatin Dejnë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara