Filloi hapja e dy rrugëve në Balincë të Malishevës

23/06/2017 Institucionet

Në kuadër të investimeve të Komunës së Malishevës, në infrastrukturën rrugore, nëpër lagjet e fshatrave, edhe në fshatin Balincë, ka filluar hapja dhe zgjerimi i dy rrugëve, të cilat i lidhin tri lagje mes vete dhe të cilat kanë rëndësi të shumëfishtë për këto lagje dhe këtë fshat. Punimet në këto rrugë i ka inspektuar, drejtori i Drejtorisë së Urbanizimit, Ahmet Morina. “Punimet po ecin mirë dhe hapja, zgjerimi dhe rregullimi i këtyre rrugëve, është duke u bërë sipas planifikimit”, tha drejtori Morina gjatë inspektimit të punimeve. Drejtori Morina është takuar edhe me banorët e këtyre lagjeve, të cilët janë shprehur të kënaqur me këtë investim, që ka rëndësi të shumëfishtë. Sipas banorëve, këto rrugë i lidhin tri lagje mes vete, pastaj ajo që është shumë me rëndësi për ta, lidhja e këtyre rrugëve, ju mundëson nxënësve që ta shkurtojnë rrugën për në shkollë, si dhe nxënësit tani nuk kanë nevojë të shkojnë në shkollë nëpër magjistrale.  “Qëllim i yni është krijimi i kushteve sa më të mira për të gjithë, përfshi edhe lëvizjen e lehtë dhe të sigurt për të gjithë banorët, e në rastin konkret për fëmijët të cilët deri më tani kanë shkuar në shkollë, përgjatë magjistrales”, tha Morina. Ai gjithashtu konfirmoi se këto dy rrugë, kanë një gjatësi prej një kilometri, ku përfshihet hapja e rrugëve, zgjerimi, krijimi i bazës dhe ne fund asfaltimi dhe te gjitha këto bëhen nga buxheti komunal i Malishevës.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara