Brickos

Fshati Kryshec do të bëhet shpejt me rrjet të ujësjellësit

20/03/2017 Institucionet

Banorët e fshatit Kryshec të do të bëhen më ujësjellës shumë shpejt, falë marrëveshjes së nënshkruar për financimin e këtij projekti jetik për banorët e këtij fshati.

Projekti i ujësjellësit në Kryshec do të financohet nga organizata Lux Dev dhe Komuna e Skenderajt dhe do të zgjidh problemin e ujit të pijshëm në këtë lokalitet, që ka pasur problem të vazhdueshme sa i përket ujit të pijshëm.

Me rastin e nënshkrimit të kësaj marrëveshjeje nënkryetari i Komunës së Skenderajt Fadil Nura është shprehur shumë i kënaqur me realizimin e saj, pasi banorët e Kryshecit kanë nevojë jetike për ujin e pijshëm. “Vërtetë është një projekt jetik për banorët e Kryshecit, pasi mungesa e ujit në këtë fshat ka qenë e vazhdueshme dhe burimet e furnizimit me ujë kanë qenë të kufizuara”, tha z. Nura. Ai po ashtu ka falënderuar Lux Dev-in për mbështetjen që po u jep projekteve të ujësjellësit për qytetarët e Skenderajt.

Marrëveshja u nënshkrua në prani të Kryeshefit Ekzekutiv të Kompanisë Regjionale të Ujësjellësit në Mitrovicë z. Sami Miftari. Z. Miftari në emër të Ujësjellësit Regjional në Mitrovicë u shpreh i gatshëm për të ndihmuar në realizimin e këtij projekti.

Vlera e investimeve në këtë projekt do të jetë 82,200 euro, ndërsa projekti është tashmë në fazën e projektimit. Sipas marrëveshjes Lux Dev do të zbatojë procedurat e prokurimit, ndërsa Komuna e Skenderajt dhe Ujësjellësi Regjional në Mitrovicë do të bëjnë mbikëqyrjen e realizimit të tij.

Në bazë të marrëveshjes, gjatësia e projektit është 6.5 km, ndërsa në të do të kyçën 150 familje të fshatit Krysherc.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara