Heinz C. Strache ka deklaruar në Beograd se problemi i Kosovës nuk është zgjidhur në mënyrë afatgjate

Heinz C. Strache ka deklaruar në Beograd se problemi i Kosovës nuk është zgjidhur në mënyrë afatgjate

Pavarësisht qëndrimit zyrtar të Austrisë, lidhur me pavarësinë e Kosovës, dhe njohjen që e ka bërë Vjena zyrtare ndër shtetet e para,  zëvendës-kancelari austriak ( Hajnc Kristian Strahe) Heinz Christian Strache sot në Beograd ka deklaruar se problemi i Kosovës nuk është zgjidhur në mënyrë afatgjate dhe është e nevojshme që Beogradi e Prishtina të gjejnë kompromis me të cilin do të respektoheshin edhe nevojat e serbëve. Asgjë nuk mund të funksionojë njëanshëm, citohet të ketë thënë ai gjatë konferencës me shefin e diplomacisë serbe Ivica Daçiq.  Qeveria austriake e ka njohur pavarësinë e Kosovës por është fakt se Serbia e sheh Kosovën si pjesë të veten, duke u mbështetur  edhe në Rezolutën 1244. Unë si zëvendës-kancelar i Austrisë nuk përzihem në këtë çështje, porse e mirëkuptoj palën serbe.  Ministri serb, Daçiq ka thënë se Serbia falënderon Strahen për këtë qëndrim dhe ka nënvizuar se nëse çështja a Kosovës është zgjidhur, atëherë pse edhe pas 10 vjetësh është në rend të ditës në bisedimet në Bruksel.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …