leoni

Inspektohen punimet në shkollën e Bardhit të Malishevës

26/04/2018 Institucionet

Kryetari i Komunës së Malishevës, Ragip Begaj dhe drejtori i Drejtorisë së Urbanizimit, Islam Vrenezi, në kuadër të aktiviteteve të përditshme, i kanë inspektuar punimet në shkollën e re në fshatin Bardh të Malishevës, ku janë njoftuar me ecurinë e punimeve në këtë shkollë, ku aktualisht është duke u ndërtuar kulmi i objektit. Begaj dhe Vrenezi, janë ndarë të kënaqur me punët që janë duke u kryer në ndërtimin e shkollës dhe me ecurinë e punimeve të deritanishme. “Arsimi në përgjithësi dhe në veçanti krijimi i kushteve më të mira për mësim, përkatësisht rregullimi i infrastrukturës shkollore, ka qenë, është dhe do të mbetet prioritet i imi edhe në mandatin e dytë të qeverisjes”, tha kryetari Begaj, gjatë vizitës në këtë shkollë. “Përveç objekteve shkollore, ne synojmë që shkollat ti pajisim edhe me kabinetet e nevojshme, në mënyrë që mësimi të jetë praktik”, tha Begaj. Ndërsa drejtori i urbanizimit, Islam Vrenezi, gjatë këtij inspektimi, tha se “ndërtimi i këtij objekti shkollorë, është duke shkuar sipas planifikimit dhe besoj që brenda afatit, objekti do të jetë i përfunduar dhe i gatshëm për zhvillimin e procesit mësimor”.

Kontrolloni gjithashtu

Bashkim Ramosaj: Komuna e Deçanit ka fituar të drejtën për shfrytëzimin e tokave në Parkun Kombëtar “Bjeshkët e Nemuna”

Fitimi i të drejtës për shfrytëzimin e tokave në Parkun Kombëtar “Bjeshkët e Nemuna” është …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara