Jusuf Zenunaj

Jusuf Zenunaj: Zëri i Astritit

Zëri i Astritit 

Zërin e Astritit kush e ngulfati

në qelinë e burgut dorëlugati..

Mallëkojnë bjeshkë e fusha,

kodrina e male

edhe n’liri shpirtëra vrastare.

Burgu as vdekja

s’e mundin të vertetën,

lakejt e tërbuar

nuk lodrojnë gjithë jetën.

6 nëntor 2016

Rriçër Kelmendi

Rriqër Kelmendin

lum që e ka vendi,

i shkathët sa s’ka më

për politikë e atdhe,

mirë me Serbinë e vjetër,

jo keq me Kosovën e re.

Sa majtas, sa djathtas,

kur t’është nevoja

lojë luan edhe në mes,

turpin s’ia bajnë valixhet

euro e dollar me thes.

Si rriqëri n’trup të gomarit

vetëm për dyditë,

në partinë e re

mbas kryeministrit u ngjit….

 29 tetor 2016

 Hanko Halla në Kuvend

 

A s’më thua hallë ç’deshte n’Kuvend ?

Nuk më rrihet dot, s’më zihet vendi – vend.

Gjumï s’më merr natën as ditën,

si trastën e lypsares na e bënë politikën.

I dituri e i padituri si gjelat mbi pleh,

si n’politikën e vjetër ashtu edhe në t’re.

Si mali me pak del e me shumë arinj.

Kuvendi ynë ashtu është përzi.

Lojën me pushtet na e solli varfërinë

skamjen e tradhtinë….

Na janë mbyllur syte

lumi po na merr,

të larat e t’palarat

nê fushë po i nxjerrë….

28 tetor 2016

 

Kjo nuk është përrallë

U rrah, u vra dikush, emri s’i dihet

dhe një tjetër, i pa emër n’ libër,

pa emër n’ letër,

vallë, qe i ri , apo i vjetër ? !

Vrasësin e askushit

sikur t’ish’ nën hije rrushi

e kapen si peshkun me grep-

luftëtarin e lirisë ,

komandantin e UÇK -së

E vrasësve të vërtetë

këtej e matanë lumi,

nuk u derdhet kafeja,

nuk u prishet gjumi,

në jug e në veri,

komandant edhe n’polici..

Kjo nuk është përrallë,

ata s’janë shqiptarë……..

26 tetor 2016

 

Tri poezi

NË DITËLINDJEN E GJERGJ FISHTËS

Në një shtëpi dykateshe,

qê dikur i thonin kullë,

sot gërmadhë,

vargje fishtjane

ruan në çdo gur,

Fishten e madh

na çmoi bota,

e mêkatet tona ndaj tij

as qielli e as toka nuk i përbi.

Përveç shtatores n’oborr

as lule as hardhi,

ndër skutat e shtëpisë

mund t’ketë vetëm ndonjë  mi.

23 tetor 2016

 

RAPË HANKO HALLA

Prapë Hanko Halla me gjuhën e saj

zuri të bërtas , besa edhe të shajë,

ofshante të madhe si asnjëherë tjetër,

po këta qyqarë – qeveritarë ku n’dreq i gjeten ? !

Si vesa para diellit n’ maja u ngjiten,

karriget i zunë diten e s’diten,

s’i ndahen servillizmit natën as ditën,

Me stilin e një lugati,

kundër Tiranës ,

ngreh zërin kryediplomati….

Tetor 2016

 

DEKORATA E TITUJ NDERI

Tek shqiptarët na u rrit tefteri

dekorata e tituj nderi,

si n’Tiranë ashtu n’ Prishtinë,

as n’ Tetovë mbrapa nuk rrinë,

atdheut tonë faqen ia nxinë,

ngrisni n’qiell njëri-tjetrin

me marritë që s’ua lanë deti,

në to u zhyt dhe presidenti,

pa zbardhë dita e ngrys nata

shpërndan tituj e dekorata,

sikur t’ishin çokollata.

Ç’ bëre kështu president Nishani ?

Kêshtu t’u rritka n’atdhe nami……

23 tetor 2016

Kontrolloni gjithashtu

Albert Zholi

-Albert Z. ZHOLI: Flasin për Ditën e Verës: Luan Zhegu, Bashkim Alibali, Paro Ziflaj dhe Vitore Stefa. Leka

Flasin Luan Zhegu, Bashkim Alibali, Paro Ziflaj dhe Vitore Stefa. Leka -Dita e Verës nuk …