Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në moshën 99 vjeçare është ndarë nga jeta, Rexhep Berisha, babai i dëshmorit të kombit dhe veprimtarit të hershëm të çështjes kombetare, Nuhi Berisha.
Në shenim të Kalendarit të lirisë, me rastin e vdekjes së Rexhep Berishës, babait të dëshmorit, Nuhi Berisha
Gjatë mbrojtjes nga forcat policore serbe, në Kodrën e Trimave në Prishtine natën ndërmjet 11 e 12 janarit të vitit 1984, ranë heroikisht Rexhep Mala e Nuhi Berisha. Si studentë, me iniciativën e Rexhep Malës dhe të bashkëveprimtarëve të tjerë formohet ‘Komiteti i Studentëve në kuadër të Grupit Revolucionar, i cili do t’i shërbejë Lëvizjes çlirimtare të shqiptarëve si bërthamë e parë për lëvizën e pranverës studentore të vitit 1981. Rexhep Mala dhe Nuhi Berisha provuan të vihen në themelet e një organizimi të lëvizjes çlirimtare, që vepronte në vazhdimësi, kurse në vitin 1973 filluan veprimtarinë e tyre në botimin e gazetës, “Zëri i Kosovës”. Ata kishin vizion të qartë për të ardhmen e Kosovës dhe guximin e duhur për të vepruar kundër regjimit të atëhershëm. Rexhepi e Nuhiu vlerësohen si dy nga figurat qendrore të rezistencës dhe përpjekjeve të popullit shqiptarë të Kosovës për liri e pavarësi, dhe janë çmuar për trimërinë, sakrificën e lartë dhe aftësitë organizative.
