muqa 900
vipa
rkl vala loja shperblyese
driloni com
Fillimi / Fejton / Kryeinkuizitorja e moderuar e kohës sonë, Ekaterina Trendafilova V
Kryetarja e Dhomave të Specializuara, Ekaterina Trendafilova, sot për herë të parë do të vizitojë Kosovën

Kryeinkuizitorja e moderuar e kohës sonë, Ekaterina Trendafilova V

Fjala “Inkuizicion” buron nga folja e gjuhës latine, “inquirere”, që do të thotë “hetoj”. Ky  emërtim, në historin e Evropës së krishterë lidhet me veprimtarinë e zhvilluar nga gjyqet  e montuara të Kishës katolike romake, me detyrën e garantimit të njëqënies së besimit, shtypjen e herezisë dhe besimeve të tjera,  nga këto gjykata.

Në qendër të inkuizicionit qëndronte hetimi dhe jo padia.

Para gjygjit inkuizitiv, hetimor, dëshmitë e të akuzuarve nuk kishin asnjë rëndësi, por prova e  fajësisë apo pafajësisë mbetej vetëm nga  mundësia e kallëzimit të dëshmitarëve, ashtu sikur janë sot dëshmitarët e mbrojtur të Gjykatës Speciale të Kosovës Për këtë arsye ecuria e gjygjit, zgjaste shumë kohë dhe kërkonte pyetjen e gjithnjë e më shumë dëshmitarëve, gjë që nganjëherë përfshinte pyetjen e tërë  popullsisë së një vendi të caktuar. Po këtë praktikë është duke e aplikuar gjykata Speciale kundër UÇK-së, e cila është edentike me ato gjykata me të cilat ishte marrë Evropa e krishterë për rreth 600 vjet dhe ku me gjykime të tilla ishin djegë të turrë të druve miliona kundërshtarë të Kishës, madje në turrë të druve ishin djegur edhe mendimtarët  më të ndritur të Renesancës Evropiane, shkencëtarë e filozofë të nderuar. Evropianët e rinj nuk heqin dorë nga Inkuizicioni, sepse ka diçka gjenetike dhe ataviste në gjenet e tyre, të cilat kanë prodhuar shumë monstrumë njerëzorë deri te, Françisko Franko, Benito Musolini,   Adolf Hitleri dhe  shumë të tjerë.

2 vjet më parë 82 deputetë të Kuvendit të Kosovës kishin votuar themelimin e Gjykatës Speciale kundër UÇK-së

Më 3 gusht të vitit 2105 deputetët e Kuvendit të Kosovë, shumica syresh kishin votuar pro ndryshimit të amendamentit kushtetues, i cilin i hapte rrugë themelimit të Gjykatës Speciale. 82  deputetë kishin votuar pro gjykatës, 5 kishin votuar kundër dhe 1 kishte  abstenuar. Rezultati i votimit  i hapi rrugë Qeverisë së Kosovës t’i dërgojë edhe dy projektligje të tjera sa i përket Speciales. Opozita: Vetëvendosja, AAK dhe Nisma  kishin kundërshtuar fuqishëm  themelimin e  Gjykatës Speciale, duke e quajtur të padrejtë, gjykatë selektive, një etnike  dhe e cila do ta cenonte sovranitetin dhe legjitimitetin e pavarësisë së Kosovës. Deputetët që votuan pro Gjykatës Speciale, veprimet e tyre i arsyetuan se gjoja  Gjykata do ta pastrojë luftën e UÇK-së. duke lënë të nënkuptohet se ajo nuk kishte qenë e pastër.

Po ka diçka që nuk po shkon ashtu sikur ishte paraparë. U bënë dy vjet, u transmetuan mijëra lajme për fillimin e punës, u prit me entuziazëm lajmi se së shpejit do të fillojnë akuzat e para, u spekulua me termin  “nga burimet kofendecionale të gazetës  apo portalit nesër apo më së largu pas nesër do të ngrihet aktakuza e parë” …madje jugo mediet e instaluara në Kosovë kujdestaronin se cila do ta kishte “nderin” që e para të lajmëronte për aktakuzën e parë që do ta ngrehë Sepcialja kundër kreut të luftës së UÇK-së, por ja që u zhgënjyen, ashtu sikur dhelpra që shkonta prapa dashit duke menduar mos po i binin në tokë të mëdhatë e nën prapanicës.

Entusiasmi për fillimin e punës së gjykatës, tash për tash është lënë anash, sepse si duket as vetë “Pontije pilatët e rinj të Evropës” nuk e dinë mirë se kur do ta fillojnë punën. Por vjen një ditë Një ditë dhe do të dihet me saktësi kampioni i parë që do ta lajmërojë aktakuzën e parë dhe ai lajm do të futet në arkivin e mediumit, gazetës, portalit, për ta ruajtur si aset i çmueshëm.

18 vjet pas luftës në Kosovë, pjesa më shëmtuar, më e neveritshme e kombit, i gëzohet fillimit të punës së një gjykate, e cila nuk denon kriminelë serbë, nuk dënon bastardë shqipfolës, që u kishin prirë serbëve, duke iu treguar vendet ku ishte e pozicionura UÇK-ja dhe ku fshihej popullata e zhvendosur, nuk dënon kolaboracionistë të drejtpërdrejtë që kanë bashkëpunura me barbarët e Milosheviqit, por  do të fillojë dënimin vetëm të shqiptarëve, specifikisht vetëm të luftëtarëve të lirisë, ata të cilët kishin marrë armët për të luftuar kundër barbarisë serbe, ata të cilët me as kishin mundur kishin vrarë serbë e bastardë shqipfolës në shërbim të regjimit të Milosheviqit.  Në një prononcim të saj lidhur me dënimet selektive të gjykatës,  kryeinkuizitorja, me origjinë bullgare

Kryetarja e të ashtuquajturave “Dhoma të Specializuara” të Kosovës, të Gjykatës Speciale kundër UÇK-së, bullgarja, Ekatarina Trendafilova, ka deklaruar për rrjetin BIRN, në shqip, se gjykata do t’i mbrojë dëshmitarët e saj nga kanosja dhe do të vendosë drejtësi në mënyrë të paanshme e të pavarur. Gjykata e  sapokrijuar me bazë në Hagë që do të gjykojë ish-anëtarë të Ushtrisë Çlirimtare të Kosovës, nuk do të jetë  etnikisht e njëanshme pasi do të gjykojë vetëm “kriminelët” e UÇK-së. Kjo nënkupton  se Gjykata nuk do të gjykojë  shqiptarët të tjerë, që nuk kanë qenë pjesë e luftës, edhe nëse kanë bërë krime kundër bashkëkombësve të tyre duke qenë të inkuadruar në radhët e regjimit të Milosheviqit. ( 20  7. 2017)

Pavarësisht se në Kosovë, politikanët dhe zyrtarët e sigurisë, por edhe shumë medie i kanë fshehur informatat e bashkëpunimit të disa shqiptarëve me regjimin e Milosheviqit, sikur ishte rasti me shqiptarët, që pranuan të veprojnë në kuadër të atyre formacioneve serbe të quheshin “Polici lokale”, gjatë viteve të luftës, 1998-1999, dhe të cilët kanë marrë pjesë në vrasjen dhe masakrimin e bashkëkombësve të tyre, ata nuk do të gjykohen nga Gjykata Speciale, sepse nuk kanë qenë pjesë e UÇK-së. Të gjithë dëshmitarët do të mbrohen, sepse ata kanë kundërshtuar luftën e UÇK-së dhe shumica dërrmuese e tyre kanë bashkëpunuar me regjimin e Milosheviqit.

Gjykata Speciale nuk arreston as hapë procedurë për mercenarët shqipfolës që kanë luftuar  në radhët e MUP-it serb të kohës së Milosheviqit. Dhe pikërisht për këtë, Gjyqtarja bullgare, Trendafilova, thotë se gjykata nuk është njëetnike, sepse ajo nuk i gjykon të gjithë shqiptarët që kanë kryer krime, por vetëm ata të UÇK-së. Kjo gjykatë merr në mbrojtje të gjithë milicët e MUP-it, serbë e shqiptarë, meqë ndaj tyre, me vendim të kësaj gjykate nuk hapet procedurë për ndjekje penale.

Gjithashtu, ajo ka saktësuar se  në Dhomat e Specializuara mund të gjykojnë vetëm gjykatës ndërkombëtarë. Kjo zgjidhje tregon se Kuvendi i Kosovës i kushtoi respektin maksimal pavarësisë dhe integritetit të këtij institucioni, procedimeve penale që do të kryhen në këtë institucion dhe sigurisë së viktimave e dëshmitarëve.  Gjykata do t’i mbrojë si duhet dëshmitarët, që sipas saj, paska  qenë një dështim në përpjekjet e mëparshme për të gjykuar luftëtarët e Ushtrisë Çlirimtare të Kosovës dhe do të ndihmojë në forcimin e sundimit të ligjit në Kosovë, ka thënë bullgarja, Ekaterina Trendafilova, e cila ka nënvizuar se “Vendimi për themelimin e Dhomave të Specializuara ishte vendim i përfaqësuesve të popullit të Kosovës dhe  i Kuvendit të Kosovës”.

Trendafilova, në intervistën e saj ka saktësuar se sipas ligjit, parimisht Gjykata mund të mbështetet  në Policinë e Kosovës, si edhe në cilëndo gjykatë të vendit. Prokurori i Specializuar mund të vërë në zbatim urdhrat e tij nëpërmjet një force policore brenda Zyrës së tij. Çdo urdhër dhe vendim i Dhomave të Specializuara të Kosovës ku përfshihen edhe kontrollet sekuestrimet dhe arrestimet e luftëtarëve të UÇK-së, në territorin e Kosovës, duhen zbatuar. Këtë e dikton Ligji. Gjithashtu, në rast se parashihet e  nevojshme ne mund të kërkojmë bashkëpunim ndërkombëtar.

Pas shpalljes së një të akuzuari të UÇK-së fajtor, gjykatësit mund ta urdhërojnë atë të akuzuar që t’u paguajë dëmshpërblimin e përshtatshëm viktimave, kolektivisht, ose individualisht. Zyra për pjesëmarrje të viktimave gjithashtu do të administrojë një listë të mbrojtësve të viktimave për të mundësuar përfaqësim ligjor efikas dhe ndihmë për viktimat.

Bullgarja, Trendafilova, ka sqaruar më tej në intervistën e saj  “personat të cilët Prokurori i Specializuar do t’i ngarkojë me akuza për krime të rënda, do të duhet të arrestohen ose të dorëzohen vullnetarisht për t’u ballafaquar me akuzat kundër tyre.

Së dyti, personave të akuzuar do t’u garantohet një gjykim i drejtë dhe i shpejtë në përputhje me Kushtetutën e Kosovës dhe standardet më të larta të të drejtave të njeriut.

Së treti, të drejtat e viktimave do të mbrohen në mënyrë të efektshme”.

Së katërti, Dhomat e Specializuara dhe gjykimet që do të kryhen do të jenë një rast për popullin e Kosovës që të përballet me të shkuarën.(!)  Serbëve nuk u kërkohet kjo, të pakten jo nga një kushërirë e gjakut, fesë, prejadhjes së përbashkët sllave…

Sipas kësaj del se jo vetëm ushtarët e UÇK-së, për të cilët pretendohet se kanë kryer krime  të luftës do të përballën me të shkuarën,  por me të do të përballet vetë populli i Kosovës. Këto kontradikta në komentet e saj, mbase edhe mund të jenë përkthyer gabimisht, por të thuhet se populli i Kosovës duhet të përballet me të shkuarën dhe në anën tjetër të thuhet se vetëm ata që ajo i quan kriminelë të UÇK-së do të dënohen, këto gjykime janë diametralisht të kundërta.

Këto janë theksimet e zonjës, Trendafilova, e cila  shpreson dhe beson se kjo gjykatë do ta kryejë misionin e vet me sukses, në radhë të parë sepse, formimin e Gjykatës kundër UÇK-së e ka pranuar Shteti dhe Qeveria e Kosovës, e kanë miratuar shumica e deputetëve të Kuvendit të Kosovës dhe si rrjedhë e kësaj logjike sipas Trendafilovës, kjo gjykatë e ka besimin e popullit të Kosovës.

Gjyqtarja me origjinë bullgare, Ekaterina Trendafilova, ka treguar mirëfilli se kjo gjykatë do të ndjekë krerët e luftës së UÇK-së dhe të gjithë ata luftëtarë të lirisë, të cilët kanë vrarë apo likuiduar armiqtë e Kosovës, qofshin ata edhe shqipfolës, të cilët i kanë shërbyer regjimit vrastar të Milosheviqit. Nuk do të dënohet asnjë serbe, sepse logjikisht të tillë nuk kishte në radhët e UÇK-së, edhe pse serbët ata kanë kryer krime, kanë masakruar, kanë dhunuar, kanë djegur kanë shkatërruar një popull të tërë.

Kjo është “drejtësia” e kësaj Gjykate, te e cila i ka varur shpresat kreu i luftës, Qeveria dhe Shteti i Kosovës, deputetët që e kanë votuar këtë gjykatë dhe të gjithë dhe të gjithë kundërshtarët e luftës së UÇK-së.

Votimi i kësaj gjykate është bërë sipas motos regresive, reaksionare,  shqiptare: “gjarpri që nuk më helmon mua rroftë 100 vjet”. Mbetet për t u parë se cilat do të jetë pasojat e gjarpërinjve të Gjykatës Speciale.

Kontrolloni gjithashtu

Gjirtili Mustafa Nail Pasha (1798-1871), reformator i njohur tri herë Vezir i Madh

Gjirtili Mustafa Nail Pasha (1798-1871), reformator i njohur tri herë Vezir i Madh

Mustafa Naili Pasha (turqisht: Mustafa Naili Paşa ose Gjiritli Mustafa Naili Paşa, fjalë për fjalë ...