Kryeministri i vendit, Ramush Haradinaj: Do t'i përkrahim banorët e Kosovës Lindore

Kryeministri i vendit, Ramush Haradinaj: Do t’i përkrahim banorët e Kosovës Lindore

Kryeministri i Kosovës, Ramush Haradinaj, priti në takim udhëheqësit e koalicionit fitues të zgjedhjeve të jashtëzakonshme në Komunën e Preshevës, Shqiprim Arifin dhe Sami Salihun. Sipas zyrës për informim të kryeministrit, në këtë takim, kryeministri është njoftuar për gjendjen e shqiptarëve të Kosovës Lindore dhe në veçanti në Preshevë, Bujanoc dhe Medvegjë, si dhe për nevojën e forcimit të bashkëpunimit të ndërsjellë. Me këtë rast, kryeministri Haradinaj tha se duhet të forcohen lidhjet dhe të vazhdojë komunikimi i rregullt për t’u angazhuar së bashku në zgjidhjen e problemeve. “Shprehim përkrahjen tonë për banorët dhe autoritetet lokale në tri komunat e Luginës së Preshevës, me qëllim të avancimit të zhvillimit dhe fuqizimit të rolit të kësaj pjese të rëndësishme”, tha kryeministri Haradinaj. Në takim, u bisedua edhe për mundësitë e përkrahjes së Luginës në fushën ekonomike, të infrastrukturës, kulturës dhe arsimit.

Kontrolloni gjithashtu

Kreu i Grupit Parlamentar të PS-së, Bledi Çuçi, prit në një takim raportuesen për Shqipërinë në Parlamentin Europian, Isabel Santos

Kreu i Grupit Parlamentar të PS-së, Bledi Çuçi, prit në një takim raportuesen për Shqipërinë në Parlamentin Europian, Isabel Santos

Kreu i Grupit Parlamentar të Partisë Socialiste, Bledi Çuçi, prit në një takim raportuesen  për Shqipërinë …