Kryetari i Komunës ë Mitrovicës, Agim Bahtiri, ka pritur komandantin e KFOR-it, gjeneral-major Gjovani Fungo, me bashkëpunëtorë, me të cilin ka biseduar për situatën aktuale në Mitrovicë, me theks të posaçëm për aspektin e sigurisë. Pasi që e ka përgëzuar gjeneralin për postin në krye misionit të KFOR-it në Kosovë, Bahtiri i ka thënë atij se komuna e Mitrovicës dhe ai personalisht kanë një bashkëpunim të shkëlqyeshëm me KFOR-in, bashkëpunim ky që edhe ka dhënë rezultate konkrete pozitive në stabilizimin e gjendjes së sigurisë në Mitrovicë dhe ruajtjen e paqes. “Kur unë kam ardhur në krye të komunës, gjendja e sigurisë këtu ka qenë mjaft e brishtë dhe me tensione të vazhdueshme ndëretnike. Mirëpo, unë me bashkëpunëtorë kemi punuar me përkushtim dhe angazhim të shtuar me qytetarë, organet përgjegjëse për siguri, siç janë policia e Kosovës, ajo e EULEX-it, pastaj me KFOR-in, OSBE-në dhe institucionet tjera vendore e ndërkombëtare, për të krijuar një ambient të sigurt për qytetarët e të gjitha përkatësive etnike, për të ruajtur paqen dhe për të përmirësuar raportet ndëretnike, gjë që edhe ka dhënë efekte pozitive”, ka thënë Bahtiri.
Kontrolloni gjithashtu
Bujar Osmani ka siguruar epërsi të lartë nga votimi i Mërgatës, në zgjedhjet presidenciale që po mbahen në Maqedoni
Sipas mediave në Maqedoninë e Veriut, raportohet se janë publikuar rezultatet paraprake nga votimi i …