Brickos

Labinot Dervishaj

Labinot Dervishaj: E palogjikshme dhe e paarsyeshme ta festojmë Ditën e Evropës kur ajo vet nuk e feston!

Sot në Kosovë është  ditë pushimi! A thua për çka se?! Po thonë së është “Dita e Evropës”. E çuditshme e habitshme në çdo shtet të këtij kontinenti sot punohet si zakonisht ngase është mesi i javës për ditët e punës. Ndërkohë në Kosovë pushohet, për nder e respekt të Evropës! Po a nuk është kjo Evropa që na ka ndarë forcërisht e pa drejtësisht neve si komb në pesë shtete?!

A është kjo Evropa që në kohën e spastrimit etnik dhe krimeve makabre që i bënte ushtria e policia serbe në Kosovë me shumë heshte, edhe atëherë  kur fliste dëgjohej vetëm me deklarata të buta?!

A është kjo Evropa e Bashkuar që po i thonë, e që nuk u tregua e bashkuar e aspak unike me rastin e Kosovës?!

Ajo në ‘unionin” e saj sot i mbanë pesë shtete që e kundërshtojnë dhe e kontestojnë  shumë ashpër shtetësinë e  Kosovës sa që kanë shkuar deri në atë masë të urrejtës patologjike ndaj nesh duke thënë sikurse  edhe Serbia po ta njohë pavarësinë e Kosovës, ato nuk do ta njohin.

E pse ne të bëhemi skajshmërisht servilë ndaj këtij të ashtuquajturi “Union Evropian” e t’i festojmë festat e tij kur ai e as shtetet në radhët e Unionit nuk e festojnë një ditë çfarë ka rastisur të jetë kjo sot.

Evropa na ka shumë borxh neve me shumë pa drejtësi gjatë historisë që na ka bërë por edhe në ditët e sotme është duke vazhduar me zanatin dhe retorikën e sajë të vjetër ndaj shqiptarëve.

Ajo na ka lenë të izoluar si shtet që nuk kemi liri të lëvizjes sikur shtetet përreth nesh. Evropa njërin prej shumë kushteve për liberalizimin e vizave që as nuk dihet se kur do të ndodh na ka venë demarkacionin me Malin e Zi, proces në të cilin Kosova ka humbur territor.

Evropa sot e 19 vite nga përfundimi i luftës na ka lenë Mitrovicën të ndarë e shumë të këqija të panumërta që i kemi prej saj. Ajo shpeshherë i ka arrestuar udhëheqësit shtetëror e ish komandant e luftës çlirimtare me urdhër-arreste të Serbisë. Është  shumë e palogjikshme dhe paarsyeshme që të vazhdojmë ta festojmë këtë  ditë dhe ta mbajmë në kalendarin e festave zyrtare shtetërore, kur ende nuk e kemi festë zyrtare 28 Nëntorin, datë kjo në të cilin lidhën shumë ngjarje të mëdha kombëtare që i kanë dhenë kthesë historisë tonë. Prandaj nëse aq shumë është ndjerë nevoja për një ditë pushimi, pas shumë pushimeve të një pas njëshme nga fillimi i pranverës e këtej, me racionale do të ishte që kjo ditë të mbahej pushim për nder të dëshmorëve të renë muajin maj apo për Betejen e Llapushnikut,  e cila ka qenë një fitore e madhe në luftën e UÇK-së së sa të mbahej për nder të Evropës.

 

Kontrolloni gjithashtu

Ahmet Qeriqi: Periudha e rezistencës së vitit 1981 kërkon qasje, qëndrim dhe emërtim të saktë historik e shkencor

Ahmet Qeriqi: Marsi, Prilli e Maji i vitit 1981 vendosen themelet e Republikës së Kosovës

Demonstratat gjithëpopullore të Marsit dhe Prillit të viti 1981, shënuan kthesën vendimtare të ndarjes definitive …