Ministri Gashi vizitoi shtandin e Kosovës në Festivalin e Berlinales

18/02/2018 Institucionet

Ministri i Kulturës, Rinisë dhe Sportit, Kujtim Gashi, po qëndron në Republikën e Gjermanisë ku po merr pjesë në edicionin e 68-të të Festivalit të Filmit “Berlinale”. Ministri Gashi vizitoi shtandin e QKK-së, të Berlinales, së bashku me kabinetin e tij, ku pati rastin të shoh tregun e filmit kosovar dhe të takojë filmbërës të ndryshëm nga Kosova dhe Shqipëria. Ministri Gashi u shpreh i lumtur në prezencën e kinematografisë kosovare në Berlinale dhe shprehi gatishmërinë për mbështetje edhe më të madhe për filmin kosovar. Gjithashtu, ministri do të ndjek edhe shfaqjen e filmit ,,Kiem Holijanda” nga regjisorja holandeze Sarah Veltmeyer, ku luajnë aktorët kosovarë, të cilët edhe janë të pranishëm në premierë si Florist e Andi Bajgora dhe Arbresha Grabovci Nixha. Po ashtu, në tregun e filmit EFM do të shfaqen dy filmat e mbështetur nga QKK, filmi ,,Martesa” nga Blerta Zeqiri dhe filmi ,,Kthimi” nga Kastriot Abdyli. Ministri Gashi do të zhvillojë edhe takime tjera gjatë qëndrimit të tij në Berlin.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara