Ministri i Jashtëm, Pacolli po qëndron në Bullgari, temë kryesore pjesëmarrja e Kosovës në Samitin e Sofjes

Ministri i Jashtëm, Pacolli po qëndron në Bullgari, temë kryesore pjesëmarrja e Kosovës në Samitin e Sofjes

Zëvendëskryeministri i Kosovës dhe ministri i Jashtëm i Kosovës, Behxhet Pacolli, ka arritur në Sofje, kryeqytetin e Bullgarisë, vendin që ka presidencën e radhës së BE-së. Ai gjatë qëndrimit në Sofije do të zhvillojë disa takime. Takimi i parë do të jetë me homologen e tij, Ekaterina Zaharieva, njëherazi zëvendëskryeministre, në mjediset e ministrisë së jashtme, ku pas një bisede kokë më kokë, do të zhvillohet takimi i dy delegacioneve. Më pas, vizita e kryediplomatit, Behxhet Pacolli, do të vijojë me takime të tjera në Parlamentin bullgar, me zëvendëskryeministrin dhe ministrin e Mbrojtjes, Krasimir Karachanov, si dhe adresimin e Forumit dypalësh të biznesit organizuar nga odat ekonomike të dy vendeve. “Bullgaria dhe Kosova kanë marrëdhënie të shkëlqyera dhe vizita ka synim nxitjen e bashkëpunimit dypalësh në të gjitha fushat. Pjesëmarrja e Kosovës në Samitin e Sofjes, së bashku me vendet e tjera të Ballkanit Perëndimor është gjithashtu temë e bisedës”, thuhet në njoftimin e MPJ-së. Bullgaria ka qenë ndër vendet e para që e ka njohur Kosovën. Ajo është mbrojtëse e flaktë e integrimit të Kosovës në të gjithë organizmat ndërkombëtarë.

Kontrolloni gjithashtu

Maja Vukiçeviq, deputetja malazeze shkakton polemika duke votuar kundër anëtarësimit të Kosovës në KE

Maja Vukiçeviq, deputetja proserbe e proruse e Malit të Zi shkaktoi polemika duke votuar kundër …