leoni

Ministri i Infrastrukturës, Pal Lekaj, inspektoi dy projekte rrugore në Burim

Ministri i Infrastrukturës, Pal Lekaj, inspektoi dy projekte rrugore në Burim

Ministri i Infrastrukturës, Pal Lekaj, inspektoi dy projekte rrugore të komunës së Burimit, të cilat do të rikonstruktohen. Gjatë kësaj vizite, ministri Lekaj, vizitoi rrugën Lubozhdë-Lug i Butë në gjatësi prej 18 kilometrash. “Këto dy rrugë kanë impakt pozitiv në zhvillimin e turizmit dhe zhvillimin ekonomik në përgjithësi. Ne zotohemi para kandidatit për kryetar të komunës dhe para deputetit që do t’i kryejmë obligimet tona dhe kjo rrugë të fillojë në qershorin e vitit që vjen. Ne do të punojmë maksimalisht që të mos stërzgjaten projektet sikur deri më tani nga Qeveritë e mëparëshme, por ju premtoj se punimet e kësaj rruge do të përfundojnë në kohën më të shkurtër të mundshme”, ka thënë Lekaj.

Ndërsa Gani Dreshaj, kandidat për kryetar të komunës së Burimit tha se kjo rrugë ka një rëndësi të madhe. “Ju premtojmë qytetarëve që rruga do të përfundohet sa më shpejt pasi që të gjitha kompanitë kanë premtuar që do të bëjnë edhe punë vullnetare, që rruga të ndërtohet sipas standardeve  dhe me gjerë si deri 5 metra e gjysmë”, tha ai.

Ministri Lekaj gjatë ditës së sotme vizitoi edhe rrugën e Syne – Mokne, që ka një gjatësi rreth 25 kilometra.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …