vala – old
driloni com
vipa
Fillimi / Lajmet / Ministri, Rrustem Berisha priti në takim drejtorin e Qendrës Marshall, Keith Dayton
Ministri, Rrustem Berisha priti në takim drejtorin e Qendrës Marshall, Keith Dayton

Ministri, Rrustem Berisha priti në takim drejtorin e Qendrës Marshall, Keith Dayton

Ministri i Forcës së Sigurisë së Kosovës, Rrustem Berisha, priti sot në një takim drejtorin e Qendrës  Evropiane për Studime të Sigurisë “George C. Marshall”, z. Keith W. Dayton. Ministri Berisha, me këtë rast, ka falënderuar drejtorin e Qendrës Marshall z Dayton për vizitën dhe  mbështetjen që i ka dhënë kjo qendër FSK-së për një kohë të gjatë,  duke i trajnuar dhe përgatitur një numër të madh të pjesëtarëve të saj në Qendrën Marshall në Garmish të Gjermanisë. Gjatë takimit, ministri Berisha dhe drejtori Dayton, biseduan  për vazhdimin e bashkëpunimit në mes FSK-së dhe Qendrës Marshall.

Ministri Berisha po ashtu e njoftoi  z.  Dayton  edhe me zhvillimet e përgjithshme të FSK-së, në veçanti ai foli për bashkëpunimin ndërkombëtar dhe rajonal; bashkëpunimin me NATO-n; Gardën Kombëtare të Ajovës; NALT-in, (Ekipi Këshillues dhe Ndërlidhës i NATO-s për MFSK/FSK-në); memorandumet e bashkëpunimit me shtetet anëtare të NATO-s; plotësimin e kapaciteteve operacionale; integrimin e pjesëtarëve të komuniteteve jo shumicë në FSK, në veçanti të komunitetit serb; përqindjen e përfaqësimit të gjinisë femërore dhe gradimin e femrës së parë në gradën gjeneral, si dhe për zhvillimet rreth procesit të transformimit të FSK-së në Forca të Armatosura të Kosovës, duke vlerësuar padyshim kontributin e ekspertëve amerikanë në këtë drejtim.

Nga ana e tij, drejtori i Qendrës Marshall, Keith Dayton, duke falënderuar ministrin Berisha për pritjen, shprehu edhe kënaqësinë e tij për arritjet e FSK-së. Ai njëherazi lavdëroi edhe pjesëtarët e FSK-së për sukseset e treguara gjatë shkollimit të tyre në Qendrën Marshall. Gjithashtu, drejtori i Qendrës Marshall u zotua dhe premtoi se mbështetja për mekanizmat e sigurisë do të vazhdojë, dhe se bashkëpunimi me FSK-në do të thellohet edhe më tepër.

Kontrolloni gjithashtu

Shefi i GP të LDK-së, Avdullah Hoti: Të mërkurën mbahet tryeza e partive politike, diskutohet edhe për zgjedhjet

Avdullah Hoti: Të mërkurën mbahet tryeza e partive politike, diskutohet edhe për zgjedhjet

Shefi i grupit parlamentar të LDK-së, Avdullah Hoti ka bërë të ditur se sot do ...