Ministri  Zharku kryetari Ismajli dhe Muharremi inauguruan fillimin e punimeve për asfaltimin e rrugës Qafë Duhël-Topillë-Grajqevc-POapaz   

24/07/2017 Institucionet

Ministri i Infrastrukturës Lutfi Zharku kryetari i Shtimes Naim Ismajli dhe ai i Ferizajit Muharrem Sfarça, si dhe dy zëvendësministrat e MI-së, Hanefi Muharremi dhe Fehmi Mujota, inauguruan fillimin e punimeve për ndërtimin e rrugës, Qafë Duhël – Topillë-Grajçevc-Papaz, segmenti Topillë, e cila rrugë lidhë tri komuna: Shtimen-Ferizajn dhe Suharekën. Pas inaugurimit të fillimit të këtyre punimeve ministri Zharku theksoi : ”Po e fillojmë një projekt madhor me rëndësi të madhe për qytetarët e këtij rajoni. Investimi është i Ministrisë së Infrastrukturës, në përputhje me projektin e përgatitur nga Komuna e Shtimes. Në komunën e Shtimes janë duke vazhduar edhe projekte të tjera, sipas memorandumit të nënshkruar gjatë këtij viti e ku hyjnë zgjerimi i rrugëve në hyrje të këtij qyteti në vlerë prej 400 mijë euro. Këto investime që po realizohen nga Qeveria e Kosovës përkatësisht Ministria e Infrastrukturës, janë në të mirë të qytetarëve të kësaj komune, që t’u mundësohet një zhvillim më i  mirë i bizneseve, të kësaj ane”. Ndërsa kryetari i Shtimes Naim Ismajli, e falënderoi ministrin Zharku për këtë investim. “Ky projekt më herët ka mundur vetëm të imagjinohet, dhe ishte identifikuar si projekt me prioritet, me interes për zhvillimin e bujqësisë dhe blegtorisë dhe turizmin malor në këtë anë. Me asfaltimin e kësaj rruge banorëve të këtyre fshatrave do t’ju jepet mundësia që maksimalisht ti shfrytëzojnë pronat e tyre”.  Kryetari i Ferizajt, Muharrem Sfarça, tha:” Kjo rrugë ka një rëndësi të madhe për këto fshatra. Falë përkujdesjes së ministrisë së Infrastrukturës dhe kërkesave të kryetarëve të komunave të Ferizajt dhe Suharekës, ka rëndësi jo vetëm qarkullimi rrugor por edhe ndikimi i drejtpërdrejtë në zhvillimin e bujqësisë dhe blegtorisë si një vend shumë atraktiv. Ky projekt po realizohet falë ministrit Zharku i cili po përmbyllë një varg investimesh”. Rruga ka një gjatësi rreth 8.2 kilometra, me gjerësi prej 5 metra si dhe me sinjalizimin horizontal dhe vertikal. Këtë rrugë do ta financojë Ministria e Infrastrukturës, ndërsa projekti kap vlerën prej 760,130.49 Euro.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara