Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Tregtisë dhe Industrisë, Hykmete Bajrami mori pjesë në hapjen e Panairit të Punës, që është organizuar nga Oda Ekonomike e Gjermano-Kosovare e mbështetur nga Shoqëria Gjermane për Bashkëpunim Ndërkombëtar (GIZ), Qendra Informative Gjermane për Migracion, Arsim dhe Karrierë (DIMAK), si dhe në bashkëpunim me Ministrinë e Tregtisë dhe Industrisë, Ministrinë e Punës dhe Mirëqenies Sociale, Ministrinë e Diasporës, Programin Global për Migrim dhe Zhvillim (PME) dhe Qendrën për Migrim Ndërkombëtar dhe Zhvillim (CIM). Në ceremoninë e hapjes së panairit, ministrja e Tregtisë dhe Industrisë, Hykmete Bajrami, theksoi se kjo ngjarje e rëndësishme, e cila tregon mundësinë e rritjes së punësimit, ka bërë që të zgjojë interesim të madh për të gjithë të rinjtë që kanë ardhur për t’i parë mundësitë e punësimit në kompani të ndryshme. Ajo më tej potencoi se ne si Qeveri e Kosovës na mbetet që të vazhdojmë të përmirësojmë ambientin e biznesit dhe vendosjen e rendit dhe ligjit. Ministrja Bajrami, po ashtu i përgëzoi të gjithë që sot me të vërtetë kemi një vazhdim të ofertës dhe kërkesë në tregun e punës. “I inkurajoj të gjithë të rinjtë që të shkollohen dhe të profilizohen në profesione që sot kompanitë i kërkojnë për të cilat ka mungesë tregu i punës”, përfundoi fjalimin ministrja Bajrami, duke dhënë edhe mesazhin e saj inkurajues për punësime të reja. Në këtë panair po marrin pjesë kompani të ndryshme gjermano-kosovare dhe kompani të ndryshme të Kosovës.
