vipa
driloni com
vala – old
muqa 900
mbpzhr
Fillimi / Analiza / Mr. Adem Lushaj: Janjiq “sulmon” policinë e Kosovës, por ata duhet ta arrestojnë atë për vepra kriminale
Mr. Adem Lushaj

Mr. Adem Lushaj: Janjiq “sulmon” policinë e Kosovës, por ata duhet ta arrestojnë atë për vepra kriminale

Kleriku ultra nacionalist serb, Sava Janjiq, sërish tregon fytyrën e tij urrejtëse ndaj popullit shqiptar. Ai, kësaj radhe, “ka sulmuar” policinë e Kosovës për mos efikasitet në kryerje të obligimeve të tyre profesionale, e që sipas tij, për veprimet kriminale që bëhen nga njerëzit e tij, e që pas tyre mund të qëndron edhe vet, duhet arrestuar dhe dënuar shqiptarët.

Në publikimin e tij nxitës të datës 16 Shkurt 2017, ka marr pretekst “shkrimin” e grafitëve në Gjilan, sipas të cilit policia e Kosovës, por edhe Gjykata e Pejës, në të kaluarën, nuk janë treguar profesionale në rastet e ndodhura në: Deçan, Gjakovë, Podujevë, … e tash nuk beson, as për rastin e “ndodhur” në Gjilan.

Ne, “pajtohemi”, me Janjiqin për “mos kryerje” profesionale të detyrave nga policia e Kosovës, sepse ky klerik mashtrues dhe të tjerët si ky, është dashtë disa herë të arrestohen dhe dënohen, për nxitje të urrejtjes ndër nacionale, shkatërrim të pronës publike dhe private, krim mjedisor, pengim të zhvillimit, akuza të rrejshme dhe mos përfillje të institucioneve shtetërore. Policia e Kosovës, djemtë dhe vajzat, motrat dhe vëllezërit, e atyre që ranë për tu liruar nga soji i Janjiqit, në vazhdimësi kanë bërë përpjekje ti anashkalojnë të zezat dhe krimet që iu janë bërë, me të vetmen arsye të tolerancës dhe ecjes kah e ardhmja, por assesi ta harrojnë gjakun e derdhur për vendin e tyre.

Mos zbardhja e rasteve të ndodhura në Deçan: djegia e objekteve të APIKO-s, rrënimi i shtëpive private, (i një romi dhe malazezi”, grafitët e shkruara në dyer të manastirit, jo më larg se 20 metra nga pika e kontrollit të KFOR-it, shkrimi i tjerave në vendet që veç klerikët mund të shkojnë,…. kanë të bëjnë me faktin se autor të këtyre veprimeve, janë vet klerikët e manastirit apo njerëzit tjerë që strehohen aty, e assesi popullata shqiptare e cila akuzohet dhe urrehet nga Janjiq. Këto veprime të bëra nga Sava Janjiq dhe njerëzit e tij, e dinë edhe pjesëtarët e Policisë së Kosovës të Stacionit të Deçanit, por ata kanë heshtur në këto raste, jo nga frika dhe pa aftësia profesionale, por duke bërë “tolerime”, se me kohën do vetëdijesohen dhe veprimet nxitëse nuk do ndodhin edhe në të ardhmen, nga këta “njerëz të zotit”. Këtë gjë e dinë mirë edhe ndërkombëtarët, e të cilët kanë heshtur për arsyet e tyre politike. Këtë gjë e dinë edhe qytetarët e Deçanit, por “koha e hanë edhe kashtën”. Athua, çfarë synimesh politike dëshiron të arrin ky politikan i fshehur nën petkun klerik…?

Mr. Adem Lushaj: Dy ngjarje historike, dy pavarësi të shpallura të Kosovës!?

Nëntë vite më parë, (17 Shkurt 2008), Kuvendi i Kosovës me deklaratën e lexuar nga ish kryeministri i Kosovës, Hashim Thaçi, kishte shpallë Kosovën shtet të pavarur dhe demokratik. Pra, (17 Shkurt 2017), po mbushën nëntë vite nga kjo ngjarje e madhe historike, e përkrahur edhe nga Bashkësia ndërkombëtare.

Para njëzet e shtatë vitesh, pikërisht me 2 Korrik 1990, me deklaratën e lexuar nga Muharrem Shabani, deputetët e Kuvendit të atëhershëm të Kosovës, edhe pse nën masa të dhunës shtetërore serbo-sllave, dhe pa ndonjë përkrahje legale nga bashkësia ndërkombëtare, kishin marr vendim që Kosovën ta shpallin “Shtet të Pavarur”, e që njihet si, “Deklarata e Pavarësisë”. Edhe këtë ngjarje, shqiptarët kudo që janë, (ndoshta ka të atillë që nuk e njohin), e vlerësojnë si ngjarje historike në përjetësinë e këtij populli.

Edhe pse në mendjet dhe zemrat tona, janë dy data të ndryshme për të njëjtën ngjarje, këto kanë edhe specifiket e tyre, e që mund të thuhet se janë të ndryshme. Përderisa, para nëntë vitesh, kjo ngjarje ishte në koordinim të hapur me faktorin ndërkombëtar dhe pa presion të dhunës shtetërore serbo-sllave, ajo e para njëzet e shtatë vitesh, ishte ngjarje e shënuar para dyerve të mbyllura të këtij Kuvendi, dhe nën kërcënimin ushtarako-policor, të asaj kohe.

Funksionimi i institucioneve të asaj kohe, të prira nga ish presidenti ynë, dr. Ibrahim Rugova, ishte vënë në vështirësi nga presioni dhe dhuna që ushtrohej nga terrori shtetëror i asaj kohe, prapë se prapë, këto institucione, merrnin vendime pa pyetur Qeveri apo institucionet e shteteve armike. Tash, në këtë kohën e pavarësisë që kemi, do kisha dëshirë të di, se cilat vendime merren pa ndërhyrje ndërkombëtare dhe pa pyetur qeverinë e Serbisë.

Derisa, atë periudhë të vështirë të historisë sonë, por edhe krenare, nuk dinim nëse do zbardhte mëngjesi apo zinte mbrëmja pa maltretime, burgosje dhe vrasje, kishim shpresën se e ardhmja ishte për Ne, për lirinë dhe demokracinë e plotë të këtij vendi, ngase ishte në ballë të zhvillimeve njeriu me vizion të qartë, lideri i shqiptarëve të asaj kohe, e që kishte përkrahjen edhe të popullit mbarë.

Tash, pas nëntë vitesh të pavarësisë, te qytetarët e Kosovës, mbretëron zhgënjimi, të menduarit për ikje nga ky vend, krimi dhe korrupsioni, e duke bërë që shpresa që kishim dikur, të jetë e heshtur.

 Pra, janë Dy ngjarje të mëdha historike për Kosovën, por edhe për gjithë popullin shqiptar…..!?