driloni com
vipa
rkl vala loja shperblyese
muqa 900
Fillimi / Opinione / Msc. Adem Lushaj: Zonja Reshitaj, trego guximin dhe aftësinë për mbrojtje të Lumëbardhit të Deçanit
Mr. Adem Lushaj

Msc. Adem Lushaj: Zonja Reshitaj, trego guximin dhe aftësinë për mbrojtje të Lumëbardhit të Deçanit

Premtimi “i famshëm” i ministrisë së Mjedisit për marrjen e gjitha masave të duhura ligjore për mbrojtjen e mjedisit, ishin shpresëdhënëse, se një femër po del më  “e zonja”, e ish kolegët e saj, të cilët treguan aftësi të jashtëzakonshme, për shkatërrim të mjedisit deçanas. Kemi dëgjuar shumë të përfolët për një farë Kryeinspektori të Inspektoratit të Kosovës, i cili është zënë në gojë, jo për punë të dobishme që bën, së paku në mbrojtje të Grykës së Deçanit! Ndoshta, ministrja dhe i pari i inspektorëve të përgjumur, do dalin në skenë me marrje të masave të ligjshme, si dashamirës të natyrës, dashamirës të Bjeshkëve të Nemuna!

Nisja e punimeve për ndërtimi e Hidrocentraleve në Grykën e Deçanit, kishte bërë jehonë, ngase ishte thënë se do investohen mbi 50 milion euro, duke rregulluar edhe infrastrukturën rrugore dhe ndërmarrjen e masave mbrojtëse për mos degradim dhe shkatërrim të mjedisit. Por, askush  nuk di për shumën e investuar deri më tash nga Kelkos Group, sikurse që nuk dihet për përmbajtjen e Kontratës të nënshkruar nga MMPH dhe Kompania investuese (nëse nuk qëndron dikush tjetër prapa këtyre investimeve). Mirëpo, degradimi i natyrës në këtë Grykë, jo vetëm që mbyllë rrugën për qarkullim, është duke rrezikuar jetët e kalimtarëve të cilët mundohen të shijojnë bukuritë e Bjeshkëve të Nemuna. Edhe pse në sezonë dimërore, shtrati i Lumëbardhit mbetët pa uji, ngase e tërë sasia e ujit, futet nëpër tuba deri në afërsi të Manastirit. Reagimet e qytetarëve të Deçanit, ishin të shpeshta ndaj kësaj pa përgjegjësia të Kompanisë investuese, sikurse që ishin kundër institucioneve përgjegjëse, e në radhë të parë, në drejtim të Ministrisë së Mjedisit dhe Planifikimit Hapësinor. Me prezantim të fotove të shtratit të Lumëbardhit, i cili mbetët pa uji, ia kemi dërguar disa herë, edhe Kryeinspektorit, Basri Ibrahimi, sikurse që iu kemi drejtuar ministrisë Albena Reshitaj, por nuk kanë guximin e as dijen, për të vepruar. Me këtë rast, më duhet të falënderoj përkrahjen që marrim nga policia e Kosovës, të Stacionit në Deçan, të cilët në bazë të kompetencave që kanë, janë munduar të marrin veprimet e duhura ligjore.

E nderuara ministre Reshitaj, (Kryeministri ndoshta nuk ka kaluar këndej pari e nuk ka pa në çfarë gjendje është Gryka e Deçanit), mban premtimin tuaj si person që doni natyrën e bukur, vizitoje këtë zonë dhe binduni për gjendjen në të cilën është shtrati i lumit, e në çfarë gjendje është, Gryka e jonë.

Kontrolloni gjithashtu

Fetnete Ramosaj

Fetnete Ramosaj: Vrasja e Oliver Ivanoviqit e ngjashme me vrasjen e gjashtë të rinjve serbë, në kafenenë “Panda”

Që nga përfundimi i luftës, strukturat e Serbisë kanë vepruar në Kosovë, herë më pak ...