Brickos

Në Bruksel ka përfunduar takimi i radhës midis Kosovës dhe Serbisë

Në Bruksel ka përfunduar takimi i radhës midis Kosovës dhe Serbisë

Bisedimet në Bruksel mes delegacioneve të Kosovës dhe Serbisë ishin të  përqendruara te çështja e drejtësisë në veri, energjetika dhe krijimi i Asociacionit të komunave me shumicë serbe. Shefja e politikës së jashtme të Bashkimit Evropian, Federica Mogherini, ndërmjetësuese e dialogut, edhe kësaj radhe ka ftuar edhe kryeministrat, edhe presidentët e dy vendeve. Kryetari i Kosovës, Hashim Thaçi, përpara takimit i tha Radios Evropa e Lirë se pret që “tensionet ndërmjet Kosovës dhe Serbisë të ulen edhe më shumë” dhe që “dialogu i rinisur të çojë drejt pajtimit dhe bashkëpunimit”. Ndërkohë është bërë e ditur se kryetari i Serbisë, Tomisllav Nikoliq, i tha radio-televizionit serb se Beogradi do të këmbëngulë në formimin e Asociacionit të komunave me shumicë serbe. Në takimin e javës së kaluar, palët janë pajtuar të ulin tensionet dhe të vazhdojnë bisedimet, me në fokus zbatimin e marrëveshjeve të arritura deri më tash. Pas takimit përfaqësuesit e delegacioneve nuk kanë bërë asnjë koment për mediet. (Rel)

 

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …