Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Bujqësisë, Pylltarisë dhe Zhvillimit Rural dhe Komuna e Rahovecit kanë nënshkruar Memorandum Mirëkuptimi për ndërtimin e tregut modern të rrushit, ku hapësira rreth Shtëpisë së Verës apo siç njihet ndryshe edhe KONAKU do të shndërrohet në treg dhe atraksion turistik.
Vreshtarët, kësisoj do të kenë tregun e tyre në Rahovec dhe për këtë Ministria e Bujqësisë, Pylltarisë dhe Zhvillimit Rural dhe Komuna e Rahovecit do të nisin investimet këtë vit. Pikërisht në këtë vend organizohet edhe festivali i vjeljes së rrushit Hardhfest.
Në kuadër të projektit për ndërtimin e tregut parashihet edhe rregullimi i infrastrukturës për organizimin e festivalit. Punimet për këtë projekt pritet të nisin së shpejti.
MBPZHR për realizimin e këtij projekti ka ndarë 70 mijë euro ndërkaq Komuna e Rahovecit participon me 10 mijë euro.
Përveç investimeve për ndërtimin e tregut dhe infrastrukturës, parashihet që në të ardhmen të investohet edhe në aspektet të tjera që lidhen me zhvillimin e turizmit rural dhe shfrytëzimin e asaj zone për afrimin e turistëve të huaj.
