Në Suharekë u mbajt takimi i radhës i sigurisë lokale

27/10/2016 Institucionet

Në takimin e rregullt javor të koordinimit lokal të sigurisë në komunën e Suharekës, të cilin e kryesoi Rexhep Kuçi, nënkryetar, u fol për punët dhe angazhimet e Komunës gjatë javës që shkoi. Në këtë takim u tha se është bërë prezantimi i Strategjisë Komunale për Komunikim dhe Informim e cila do të përpunohet dhe do të korrigjohet edhe pak dhe më pas do të miratohet në Kuvendin Komunal të Suharekës. Për nënshkrimin e marrëveshjes nga ana e kryetarit Salih Asllanaj dhe përfaqësuesit të OJQ-së “Zëri i RAE” për mbështetje të projektit rreth avancimit të komunitetit Romë, Ashkalijnë dhe Egjiptas, pastaj u fol edhe për takimin e KPF-së që u mbajt javën e kaluar si dhe për realizimin e disa projekteve që janë duke u punuar si: renovimi i stadiumit të qytetit, ndërtimi dhe rregullimi i disa rrugëve lokale në qytet dhe fshatra tjerë si dhe për takimin e kryetarit Asllanaj me familjet e të zhdukurve, ku u tha se nga komuna e Suharekës janë të pagjetur edhe 113 trupa. Ndërkaq, komandanti i stacionit policor në Suharekë, kapiten Milazim Lumi duke e vlerësuar situatën e qetë dhe stabile, ka shtuar se gjatë javës kanë ndodhur 6 aksidente në trafik, 4 vjedhje të lehta, 1 dëmtim prone dhe një mashtrim. Ai ka shtuar edhe se ditët e fundit janë shtuar patrullimet e policisë, sidomos përreth objekteve shkollore.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara