A.Q. Përpjekjet anakronike për zbulimin e një origjine të re dhe të një identiteti të ri të shqiptarëve

Organizatat atdhetare të Amerikës: Letër e hapur për deputetët e Kuvendit të Kosovës-kundër demarkacionit

Në letrën e hapur të shumë organizatave e atdhetare të Amerikës, drejtuar deputetëve të Kuvendit të Kosovës, me thirrje për të mos votuar versionin qeveritar të demarkacionit thuhet:

Të nderuar përfaqësues të popullit të Kosovës. 1 Shtatori do të jetë datë historike. Ju që ju zgjodhi populli i Dardanisë kreshnike, e keni mundësinë të jeni në piedestalin e nderit, ose në grupin e kuislingëve. Demarkacioni me Malin e Zi, nuk është vetëm një vijë kufitare. Në historinë tonë mijëra vjeçare kemi fituar shumë beteja, por asnjëherë luftën më të rëndësishme, atë të paqes dhe dinjitetit kombëtar e shtetëror. Gjithherë jemi “detyruar” të bëjmë lëshime në emër të “një arsye” apo tjetrës. E “arsyet” nuk po pushojnë deri më sot. Ju të zgjedhurit e popullit e keni mundësinë ta ndërpritni këtë MALLKIM një herë e përgjithmonë. JO demarkacionit është obligim ndaj gjirit të nënës, obligim ndaj gjakut të të parëve, obligim ligjor I mbrojtjes së Kushtetutës, lirim shpirtëror personal, fitore e mirëfilltë e ndërgjegjes. JO demarkacionit, është fillim I një rrugëtimi të denjë, fillim I një rruge të shenjtë, qëndrim nga I cili do të keni përkrahjen e popullit, por dhe respektin e të huajve.

Të nderuar kuvendarë. Ju me 1 shtator, nuk do vendosni vetëm për Kosovën, por do vendosni për miliona shqiptarë që jetojnë në trojet e tyre por dhe të atyre që janë të shpërndarë anekënd botës. Zëri I ndërgjegjes sonë, zëri I dëshmorëve, por dhe vet Zoti nga lartë, kërkon nga ju të I thoni JO demarkacionit. Ne, mërgata patriotike e Amerikës, ju bëjmë thirrje secilit prej jush, që të mos bini pre e trysnive. Do na keni në përkrahje të përhershme, nëse merrni vendimin e ndershëm. E forcën tonë, nuk kemi nevojë të jua përkujtojmë, sepse dihet kontributi i Mërgatës Amerikane ndër shekuj. E më e freskëta që ju e dini mirë: Ne ishim ata që përkrahëm Ushtrinë Çlirimtare të Kosovës, në sollëm bukën dhe pushkën, në bindëm miqtë ndërkombëtar që të bëhen krah I shqiptarëve, deri në çlirimin nga kthetrat e Millosheviqit. Mos harroni !!!

Ne shpresojmë, që me 2 shtator do të jeni faqebardhë dhe do të mund të ju themi TUNGJATJETA.

 

 

Organizatat patriotike-kombëtare në SHBA:

Shoqata Rugova

Lëvizja Legaliteti

QKSHA Riverdale NJ

Shoqata Malsia – Michigan

Federata PanShqiptare VATRA

QKSHA Hasan Prishtina CT

Lidhja Qytetare Shqiptaro Amerikane

Balli Kombëtar

Veteranët e Luftës së UCK-së

Shoqata Malësia e Madhe

Akademia e Shkencave Shqiptaro-Amerikane NY

Fondacioni Plave e Guci

SHA Dibra

Shoqata Shqiptaro-Amerikane Ana e Malit

Shoqata Peja

Shoqata Drenica

Gjithashtu kjo letër e hapur përkrahet dhe nga Shoqatat e Detroitit, Dallasit, Chikagos, Filadelfisë, Kalifornisë, Visnonsinit, Floridës, Arizonës, Nevadës dhe Kolorados. Përkrahje e plotë vjen dhe nga Xhamitë shqiptare, Kisha Katolike, Kisha Ortodokse dhe Teqet Bektashiane.

Kontrolloni gjithashtu

Dëshmitari amerikan, Shon Bërns, shpjegon para trupit gjykues përmbajtjen e Komunikatës numër 63 të SH të UÇK-së

Në një dëshmi përpara trupit gjykues në Hagë, dëshmitari dhe ish-diplomati amerikan, Shaun Byrnes, ka …