Pal Lekaj

Pal Lekaj ka falënderuar deputetët kroatë në Parlamentin Evropian për mbështetje që i kanë dhënë Kosovës

Shefi i Grupit Parlamentar të AAK-së,  Pal Lekaj ka falënderuar deputetët kroatë në Parlamentin Evropian dhe zëvendëspresidenten  e këtij parlamenti, Ulrike Lunaçek , të cilët  dje kanë propozuar dy amendamente dhe kanë mbështetur ato lidhur me Kosovën. Ata kanë propozuar dhe i kanë dhënë mbështetje dy amendamenteve për dy rastet e fundit që kanë të bëjnë me Kosovën, ndalimin e ish-kryeministrit dhe kryetarit të AAK-së, Ramush Haradinaj dhe për rastin e trenit serb i cili deshi të hyjë në Kosovë. AAK-ja shpreh mirënjohje dhe falënderim të veçantë për kolegët, deputetët kroatë në Parlamentin Evropian dhe për zonjën Ulrike Lunaçek për propozimin dhe mbështetjen e amendamenteve, për rastin e ndalimit të ish-kryeministrit e kryetarit të AAK-së, Ramush Haradinaj në Francë dhe po ashtu për ngjarjen me trenin ilegal të Serbisë i cili tentoi të futet në territorin e Kosovës”, thuhet në komunikatën e AAK-së.

 

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …