Po vazhdojnë punimet në infrastrukturën rrugore në komunën e Deçanit

20/09/2017 Institucionet

Në kuadër të investimeve në përmirësimin e përgjithshëm të infrastrukturës nëpër fshatrat e Komunës së Deçan, po vazhdojnë punimet në asfaltimin e rrugëve në fshatin Rastavic. Komuna e Deçanit po investon në shtrimin e asfaltit në rrugët ,,Binak Ahmeti’’ dhe ,,Sadik Brahimi’’ si dhe në ,,Rrugën e Kelmendëve’’ të këtij fshati. Ndonëse më herët është  kryer edhe rrjeti i kanalizimit fekal. Për të inspektuar punimet që po zhvillohen në këtë  projekt, ishte Ushtruesi i Detyrës së Kryetarit të komunës së Deçanit Sami Cacaj, me bashkëpunëtorë. Ai me këtë rast ka kërkuar nga punëkryesit punë efikase në zgjidhjen e problemeve të banorëve, duke i siguruar ata se punimet do të përfundojnë shumë shpejt dhe do të zgjidhen përfundimisht problemet e tyre sa i përket rrugëve dhe kanalizimeve, njëkohësisht ju bëri më dije se edhe rrugët dytësore të mbetura në fshatin Rastavic do të asfaltohen, tha Cacaj. Komuna e Deçanit po vazhdon me investime të rëndësishme në tërë territorin e saj me qëllim të përmirësimit dhe ndërtimit të infrastrukturës duke përfshirë rrugë të lagjeve, kanalizime dhe ujësjellës. Investimet janë duke u bërë si rezultat i kërkesave të banorëve të fshatrave dhe lagjeve të Deçanit.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara