Sami Lushtaku: Institucionet duhet t’i respektojnë çdo ditë vlerat kombëtarë të familjeve shqiptare

31/07/2017 Institucionet

Kryetari i Komunës së Skenderajt Sami Lushtaku ka vizituar ndaras dy familje atdhetare nga Mitrovica. Lushtaku ka takuar familjet Lushta dhe Maliqi, me qëllim të falënderimit për kontributin e dhënë gjatë historisë së përpjekjeve kombëtare për liri dhe çlirim. Në takimet e përzemërta me pjesëtarët e këtyre familjeve, Lushtaku është shprehur shumë mirënjohës për veprimtarinë dhe kontributin e tyre të vazhdueshëm në shërbim të lirisë dhe çlirimit të Kosovës. “Institucionet e Kosovës si në nivel lokal dhe në atë qendror duhet të çmojnë dhe respektojnë çdo ditë vlerat kombëtare të familjeve shqiptare që sakrifikuan për vendin e tyre në rrethana të ndryshme historike, pasi familjet atdhetare kanë qenë themeli i veprimtarisë në shërbim të çështjes kombëtare”, tha Lushtaku.

Ndërsa pjesëtarët e të dy familjeve u shprehën shumë falënderues ndaj kryetarit Lushtaku për vizitën e bërë dhe për kujdesin e treguar, si dhe çmuan lart kontributin e tij gjatë dhe pas luftës së UÇK-së.

Shumë të përzemërta dhe emocionuese ishin bisedat me më të moshuarit e këtyre familjeve, që në mbamendjen e tyre i kanë të freskëta kujtimet e të kaluarës heroike dhe sfiduese. Ata thane se e çmojnë çdo të mirë që vendit i solli gjaku i të rënëve dhe sakrifica e popullit të Kosovës

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara