vala
subvencionet
vipa
muqa 900
Fillimi / Lajmet / Shqipëria akreditohet si pjesëmarrëse për herë të parë në Çmimin Global të Mësuesit
Shqipëria akreditohet si pjesëmarrëse për herë të parë në Çmimin Global të Mësuesit

Shqipëria akreditohet si pjesëmarrëse për herë të parë në Çmimin Global të Mësuesit

Është hera e parë që Shqipëria bëhet pjesë e Çmimit Global të Mësuesit, vlerësuar si çmim Nobël në mësimdhënie. Përndryshe kjo nisëm është ndërmarrë nga Fondacioni Varkey, i cili vlerëson profesionin e mësuesve dhe kontributin e tyre. Këtë vit Shqipëria në datat 18-19 Mars, është përfaqësuar nga Koalicioni për Arsimin e Fëmijëve ku ishin mbi 2000 delegatë në Forumin Botëror për Arsimin dhe Aftësitë, çdo vit mblidhen së bashku liderë nga mbarë bota, ministra të arsimit, dhe e biznesit për të diskutuar dhe sugjeruar zgjidhjet më të mira për sigurimin e arsimit cilësor dhe të barabartë për të gjithë. Gjatë muajit prill do të hapet nominimi për të gjithë mësuesit që dëshirojnë apo përzgjidhen nga të tjerë për t’u bërë pjesë e këtij vlerësimi kombëtar. Një juri e përbërë nga figura të shquara të botës akademike e publike do të vlerësojnë të gjitha kandidaturat për të shpallur fituesin në fillim të muajit tetor. Mësuesi fitues do të garojë me mësues nga e gjithë bota në Çmimin Global për Mësuesin 2018 (Global Teacher Prize).