SBASHK

Sindikata e Bashkuar e Arsimit, Shkencës dhe Kulturës kundër testimit të mësimdhënësve të Kosovës

Sindikata e Bashkuar e Arsimit, Shkencës dhe Kulturës, është shprehur kundër testimit që ishte paralajmëruar për mësimdhënësit në vendin tonë. Rrahman Jasharaj, kryetar i SBASHK-ut ka deklaruar se ata kanë qenë dhe janë kundër një testi të tillë. “Test me shkrim për arsimtarët as nuk ka pas e as nuk do të ketë kurrë dhe këtë e din edhe ministri Bytyqi, sepse me testin me shkrim …ne kemi parë edhe në testin e maturës që ka dalë rrjete sociale… prandaj jemi kundër këtij testi dhe nuk i kemi besuar se do të jetë korrekt dhe real”, ka deklaruar Jashari.

Ai ka thënë se me këtë test mund të ketë ngjyrime politike dhe do të vihej në pikëpyetje puna që kanë bërë profesorët në fakultete, universitete, etj. “Ne jemi kundër kësaj, por duhet të ketë këshilltarë profesional sepse është nënçmues. Edhe Shqipëria ka dështuar…pra duhet këshilltarët pedagogjik profesionalë të shkojnë nëpër shkolla edhe të vërejnë a ka probleme a jo”, ka deklaruar Jashari. Ndryshe, ministri i Arsimit Shyqiri Bytyqi ka deklaruar se duhet të ketë vlerësim për të gjithë mësimdhënësit.

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …