Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizatat e dala nga lufta, mbajnë një protestë në mbështetje të ish-komandantit dhe kryetarit të AAK-së, Ramush Haradinaj dhe mbrojtjes së vlerave të luftës së UÇK-së. Protesta e cila ishte paraparë të mbahej në sheshin “Zahir Pajaziti”, duke filluar nga ora 13:00 është zhvendosur në sheshin Skënderbeu. Në një komunikatë për medie thuhet se ky ndryshim është bërë për shkak të interesimit të madh të qytetarëve për të marrë pjesë në protestë. Organizatat e dala nga lufta e Ushtrisë Çlirimtare të Kosovës protestojnë me qëllim për mbrojtjen e vlerave të luftës dhe të gjeneralit të shquar të Ushtrisë Çlirimtare të Kosovës, Ramush Haradinaj. Veteranët konsiderojnë se ndalimi i Komandantit, Ramush Haradinaj nga drejtësia franceze me aktakuza të kohës Millosheviqit është i papranueshëm, pasi që për akuza të njëjta, Komandanti Ramush Haradinaj është shpallur 2 herë i pafajshëm nga Gjykata e Hagës.
