Vetëvendosje

Vetëvendosja: Zonja Tahiri tani kërkon ta ndajë së bashku me të tjerët dëmin që i ka shkaktuar Kosovës

Dialoguesja tejet e zellshme e Kosovës me Serbinë, Edita Tahiri të cilën na e kanë përzgjedhur miqtë tanë ndërkombëtarë, edhe pse ajo nuk ka bazë deleguese, ka propozuar që sipas saj Faza e tretë e Dialogut të Brukselit, të merret në formë të ekipit sikur ishte “Ekipi i Unitetit”, në kohën e bisedimeve në Vjenë. Lëvizja Vetëvendosje saktëson se në vazhdimësi, procesi negociator i Kosovës me Serbinë ka prodhuar vetëm koncesione të dëmshme për vendin tone. Kjo sepse fillimisht ky dialog zhvillohet pa kushte, ka qenë dhe është i pabarabartë e i padrejtë. Kështu ishin edhe negociatat e Vjenës, që do t’i rikthejë zonja Tahiri, e kështu ishin edhe negociatat e udhëhequra nga Hashim Thaçi e nga vetë zonja Tahiri. Me siguri zonja Tahiri përgjegjësinë për dështimin dhe për koncesionet e dëmshme në kurriz të Kosovës do që tash ta ndajë me ndonjë ekip apo grup të unitetit gjithëpartiak a mbipartiak, por sipas nesh rruga e vetme është ndërprerja e negociatave”, ka thënë Frashër Krasniqi.

Kontrolloni gjithashtu

Arben Gashi

Shefi i Grupit Parlamentar të LDK-së, Arben Gashi, kritikon pengesat në funksionin mbikëqyrës të Kuvendit të Kosovës

Shefi i Grupit Parlamentar të LDK-së, Arben Gashi, ka akuzuar shumicën parlamentare për pamundësimin e …