leoni

Zëvendëskryeministri i Kosovës, Fatmir Limaj për 8 Mars viziton Qendrën për Promovimin e të Drejtave të Grave në Drenas

Zëvendëskryeministri i Kosovës, Fatmir Limaj për 8 Mars viziton Qendrën për Promovimin e të Drejtave të Grave në Drenas

Zëvendëskryeministri i Kosovës, Fatmir Limaj, ka vizituar Qendrën për Promovimin e të Drejtave të Grave në Drenas. Me këtë rast zëvendëskryeministri Limaj u ka uruar atyre ditën e Gruas 8 Marsin. Zëvendëskryeministri Limaj u ka ofruar atyre mbështetje institucionale e posaçërisht grave dhe vajzave të mbijetuara të luftës. “Në emër të Qeverisë së Kosovës kemi ardhur t’ua urojmë këtë ditë të shënuar për gratë në Kosovë. Nuk ka vend më të mirë se ky për ta shënuar këtë ditë. Në të njëjtën kohë edhe për t’iu ofruar mbështetjen e institucioneve të Kosovës. Nga tani e tutje do ta keni më lehtë. Kjo është ditë e shënuar për gratë. E di që nuk e keni pas lehtë. Ne bashkëndjejmë me çka jeni ballafaquar. Do t’iu ndihmojmë mos u dekurajoni”, ka thënë zëvendëskryeministri Limaj.

Nga ana e saj, drejtoresha e kësaj Qendre, Kadire Tahiraj, ka falënderuar zëvendëskryeministrin Limaj për vizitën. Tahiraj e ka njoftuar me gjendjen e kësaj organizate. “Vizita juaj tregon se institucionet e Kosovës e kanë kthyer vëmendjen. Dëshira jonë është të kemi mbështetje institucionale dhe ju lus të mos na lini në mëshirë të kohës”, ka thënë Tahiraj.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …