U mbajt seancë solemne për nder të 5 dhe 6 majit ditëve te Dëshmorëve

05/05/2021 Institucionet

Komuna e Deçanit ka nis aktivitete për shënimin e ditëve të Dëshmoreve 5 dhe 6 majit. Sot është mbajte seancë solemne ku fillimisht të pranishmit i ka përshëndet kryesuesi i Asamblesë dr.Haki Shehaj, duke e vlerësuar lartë vlerën më sublime të popullit shqiptar at që i solli Lirinë, djemtë dhe vajzat më të mira që jetën ja falen këtij vendi vlerën e UÇK-së. Çmimi i Lirisë ishte vërtet i shtrenjtë, me shumë mund, gjak e sakrifica, por mbetet faqe e shndritshme dhe e lavdishme e historisë tonë kombëtare. Deçani luftës se UÇK-së i dha mijëra luftëtarë të devotshëm, komandant të shquar, gjeneral të shquar e dhjetëra heronj  tha ai. Ndërsa  kryetari i komunës së Deçanit Bashkim Ramosaj tha se: përpjekjet disashekullore i kanë  dhënë vendit vlerën më madhështore, e që është Ushtria Çlirimtare e Kosovës, vlerë kjo që duhet të ruhet e te mbrohet nga gjithsecili duke shtuar se kushdo që mundohet ta mohoi këtë vlerë nuk do të arrij askund. Duke kujtuar kontributin e të gjithë brezave dhe luftën e lavdishme të UÇK-së ,Ramosaj tha se mbi to është ndërtuar edhe bashkëpunimi me shtetet aleate të NATO-s. “Liria është një vlerë që nuk ka çmim, që krijohet nga një vlerë kombëtare, nga një vazhdimësi shumë e madhe ndër shekuj për të ardhur deri këtu. Dhe po ashtu, me gjithë këto përpjekje me këta dëshmorë e këtë sakrificë që ne sot po mundohemi me e nderu, dhe respektu, ka lindur një vlerë e shenjët, kjo vlerë duhet me u mbrojt dhe duhet të ruhet. Njeriu që në këtë vend ka mu mundu me fy dhe me bastardu këtë vlerë, nuk ka me arritë diçka. Sepse mbi gjithë kontributin e këtyre brezave, e lëvizjeve të kohës e deri tek UÇK-ja, është kulmi më madhor i këtij kombi. Mbi këtë brez, mbi këtë ushtri, bashkëpunojmë edhe me shtetet aleate të NATO-s dhe kemi arritur çlirimin e këtij vendi” tha Ramosaj. Komuna e Deçanit ka 229 dëshmorë, ndërsa për të nderuar ata sot po bëhen homazhe pranë varreve të tyre dhe pranë lapidarëve të heronjve.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara