leoni

Ferizaj shënon sot, Ditën e Shëndetësisë

15/06/2025 Institucionet

Ferizaj shënon sot, Ditën e Shëndetësisë, me këtë rast kryetari i komunës së Ferizajt, z. Agim Aliu, Drejtori komunal i Shëndetësisë, Dr. Kemajl Emini dhe bashkëpuntorë tjerë vizituan Spitalin Rajonal të Ferizajt si dhe Qendrën Kryesore të Mjekësisë Familjare, për t’i uruar në këtë ditë si dhe për t’i dhënë gjithë mbështetjen e nevojshme aspiratave të përbashkëta për shëndetësi të avancuar.

Në kujtim të mjekëve kontributplotë që nuk janë më në mesin tonë, kryetari Aliu ka bërë homazhe tek Obelisku në oborrin e QKMF-së e gjithashtu, përuruan projektin unik në vend digjitalizimin e administratës shëndetësore të Qendrës Kryesore të Mjekësisë Familjare, ku mijëra dokumente me dekada të hershme e deri më sot, janë tashmë digjitale e lehtë të qasshme për nevojat e shërbimit shëndetësor ferizajas.

Kryetari Aliu si tashmë tradicionalisht, për Ditën e Shëndetësisë në Ferizaj, iu bashkua aksionit të Qendrës së Transfuzionit të Gjakut në Ferizaj për dhurimin e gjakut me mesazhin se dhurimi i gjakut shpëton jetë, andaj secili në gjendje të mirë shëndetësore mund ta bëj këtë gjest human në ndihmë të të tjerëve në nevojë.

Kontrolloni gjithashtu

Humanisti Halil Kastrati është shpallur “Qytetar Nderi” i Komunës së Malishevës.

Humanisti Halil Kastrati nga sot është “Qytetar Nderi” i Komunës së Malishevës. Lajmin e ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara