Kuvendi i Komunës së Ferizajt miratoi subvencionimin e transportit urban dhe urbano-periferik

29/08/2025 Institucionet

Sot është mbajtur mbledhja e tetë e rregullt e Kuvendit të Komunës së Ferizajt, e udhëhequr nga Kryesuesi, Xhavit Zariqi.

Në këtë mbledhje, drejtori i Shërbimeve Publike dhe Emergjencës, Alberton Sahiti, paraqiti propozim-vendimin për miratimin e Planit Ndërkomunal për Menaxhimin e Integruar të Mbeturinave për rajonin e Gjilanit dhe Ferizajt, si dhe Vlerësimin Strategjik Mjedisor për komunat: Gjilan, Kamenicë, Viti, Novobërdë, Partesh, Kllokot, Ranillug, Ferizaj, Kaçanik, Shtime, Hani i Elezit dhe Shtërpcë.

Po ashtu, drejtori Sahiti paraqiti edhe propozim-vendimin për subvencionimin e transportit urban dhe urbano-periferik. Kjo pikë e rendit të ditës u shoqërua me diskutime të gjera pro dhe kundër, por në përfundim u miratua me shumicë votash.

Gjithashtu, Kuvendi miratoi edhe propozim-vendimin për anëtarësimin e Komunës në ACES EUROPE, shoqatë që promovon politikat sportive evropiane përmes dhënies së çmimeve ndërkombëtare.

Kontrolloni gjithashtu

Kryetari Smajl Latifi vizitoi QKMF “DR. Fahredin Hoti”

Qendrën Kryesore të Mjekësisë Familjare (QKMF) “Dr. Fahredin Hoti”, së bashku me Drejtorin e Drejtorisë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara