Kryetari Agim Aliu priti në takim simbolin e sportit të mundjes, Shaban Tërstena

02/09/2025 Institucionet

Kryetari i komunës së Ferizajt, z. Agim Aliu të martën priti në takim kampionin Olimpik në sportin e mundjes, z. Shaban Tërstena.

“Bisedë e këndshme, me emrin që përfaqëson një nga pjesët më krenare të historisë së sportit shqiptar, sinonimi i fitoreve, kampioni medaljeplotë botëror e i papërsëritshmi simbol i sportit të mundjes, Shaban Tërstena nga i cili mora edhe librin e tij, një dokumentimin i suksesit të jashtëzakonshëm sportiv që me të drejtë e meritëplote është krenaria jonë kombëtare”, ka shkruar në profilin e tij në facebook, kryetari i komunës së Ferizajt, z. Agim Aliu.

Shaban Tërstena në vitin 1984 ka fituar në sportin e mundjes në kategorinë 52 kg, medaljen e artë Olimpike në Los Angjelos të SHBA-ve, derisa katër vite më vonë në Seul të Koresë së Jugut u stolisë me medalje të argjendtë olimpike, derisa në kampionatet evropiane ka fituar dy herë radhazi titullin e kampionit, ndërkaq në lojërat e mesdheut, Tërstena ka fituar tri medalje të arta.

Kontrolloni gjithashtu

Kryetari Haliti mbledh Këshillin e Drejtorëve, kërkon mobilizim të plotë pas paralajmërimeve për përkeqësim të motit

Nën kryesimin e kryetarit të Komunës së Vitisë, Sokol Haliti, sot është mbajtur mbledhja e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara