Komuna e Malishevës vazhdon mirëmbajtjen e ambientit dhe hapësirave të gjelbra

16/07/2026 Institucionet

Komuna e Malishevës, përkatësisht Drejtoria e Shërbimeve Publike, po vazhdon angazhimin në mirëmbajtjen e ambientit dhe hapësirave të gjelbra në qytet.

Drejtori i Drejtorisë së Shërbimeve Publike, Izet Hoti, së bashku me zyrtarin për ambient, Naser Morina, kanë parë nga afër punimet në rregullimin dhe mirëmbajtjen e ambientit, në parkun e qytetit, i cili është një nga hapësirat më të frekuentuara nga qytetarët.

Me këtë rast, drejtori Izet Hoti theksoi rëndësinë e mirëmbajtjes së vazhdueshme të hapësirave publike.

“Mirëmbajtja e ambientit dhe e hapësirave të gjelbra është një prioritet për Drejtorinë e Shërbimeve Publike. Synimi ynë është që qytetarëve t’u ofrojmë një mjedis të pastër, të rregullt dhe të gjelbër, ku mund të kalojnë kohën e lirë në kushte sa më të mira. Apelojmë edhe te qytetarët që të kontribuojnë në ruajtjen e këtyre hapësirave, pasi ato janë pasuri e përbashkët”, tha drejtori i Shërbimeve Publike, Izet Hoti.

Kontrolloni gjithashtu

Trajnim për trajtimin e rasteve të dhunës psikologjike

Në organizim të Zyrës për Barazi Gjinore të Komunës së Deçanit, u mbajt trajnimi me …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara