Kryetari i komunës së Rahovecit, z. Smajl Latifi me rastin e shënimit të 28-vjetorit të Epopesë së Fortesës ka thënë se kjo betejë zë një vend të veçantë në historinë e lavdishme të Rahovecit. 28 vjet më parë, në këtë vend u shkrua një kapitull krenarie dhe qëndrese ndaj pushtuesit serb që kishte vërshuar drejt qytetit të Rahovecit.
Për idealin e lartë të lirisë, ranë heronjtë Agim Kelmendi, Gani Paçarizi dhe Tafil Zyberaj. Atë ditë të 18 korrikut, luftimet ishin intensive dhe bëhej qëndresë e madhe përballë armikut, e në këtë përballje të pabarabartë u plagosën rëndë bashkëluftëtarët Isuf Gashi dhe Halim Kelmendi, po ashtu, edhe unë pata fatin të plagosem në këtë betejë, si dhe u kapën rob nga forcat serbe, bashkëluftëtarët: Vehbi Muharremi, Isak Hoti, Sokol Morina dhe Nesret Hoti.
Në Fortesë, luftëtarët e UÇK-së qëndruan për 30 orë, duke ndalur depërtimin e forcave ushtarake dhe policore serbe në Rahovec. Përballë një armiku të egër, luftëtarët e UÇK-së treguan vendosmëri dhe sakrificë mbinjerëzore, ka shkruar Latifi.
Rezistenca e atyre ditëve dhe mbështetja e popullit tonë janë dëshmi e krenarisë kombëtare.
Lavdi e përjetshme dëshmorëve të atdheut që ranë në betejën e Fortesës!
Përulemi para veprës së tyre madhështore e të pavdekshme, ka kujtuar betejën e Fortesës, kryetari Latifi.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
