Qendra Kulturore “Anamorava” – fituese e Festivalit “Folk Fest Shtimja”

Ansambli “Anamorava” u shpall fitues i Festivalit “Folk Fest Shtimja – Edicioni III, 2026”, duke zënë vendin e parë në një konkurrencë të fuqishme mes ansambleve nga të gjitha trevat shqiptare: Kosova, Shqipëria, Mali i Zi, Maqedonia e Veriut dhe Lugina e Preshevës, të përzgjedhura nga organizatorët e festivalit.

Njëkohësisht, instrumentisti dhe artisti i palodhur Naser Zeqiri shpallet instrumentisti më i mirë i festivalit, duke dëshmuar edhe një herë nivelin e lartë artistik të Ansamblit “Anamorava”.

Me një përgatitje serioze dhe një program të nivelit të lartë artistik, artistët e “Anamorava”-s përfaqësuan denjësisht vlerat tona kulturore dhe folklorike.

Falënderojmë të gjithë artistët që ishin pjesë e programit të hartuar nga drejtori i ansamblit, Arianit Hetemi, dhe anëtarët e kryesisë: Shemsedin Ajeti, Bardhyl Osmani, Arlind Hasani, Albana Ademi dhe Blertina Veseli.

Valltarët:Getuar Sadiku, Erion Sadiku, Meriton Xheladini, Elton Qerimi, Erit Salihu, Elta Sylejmani, Agnesa Limani, Diola Arifi dhe Suela Koka.

Orkestra Popullore – Falënderojmë veçanërisht orkestrën popullore, nën udhëheqjen e z. Afrim Leka, si dhe profesorët Flamur Bucaliu, Artan Rifati dhe Arsim Baftiu.

Solistet e reja, por me zëra brilantë: Besjana Abazi dhe Qendresa Rustemi.

Një falënderim i veçantë për instrumentistin e palodhur dhe udhëheqësin e orkestrës burimore, Naser Zeqiri, si dhe dy shoqëruesit e instrumenteve frymore, Flamur Danqi dhe Adnan Danqi.

Falënderojmë për mbështetjen DKRS-në e Komunës së Vitisë dhe MKRS-në.

Mirënjohje për të gjithë anëtarët e Qendrës Kulturore “Anamorava” dhe për të gjithë përkrahësit tanë!

Kjo fitore është rezultat i punës, përkushtimit dhe dashurisë për kulturën dhe traditën shqiptare.

Urime “Anamorava”!