Biblioteka e qytetit në Suharekë do të emërohet me emrin “Hajdin Berisha”

24/03/2017 Institucionet

Në takimin e tretë të Kuvendit Komunal të Suharekës, këshilltarët komunal kanë miratuar disa projekt- vendime si: 1. Miratimi i procesverbalit nga mbledhja e kaluar, 2. Shqyrtimi i projekt-vendimit për ndryshim-plotësimin e vendimit 01-Nr-016-2021, tё datës 01.02.2017; 3. Shqyrtimi i projekt-vendimit për themelimin e zonës ekonomike (parkut industriale) nё Shirokë; 4. Shqyrtimi i projekt-vendimit për emërtimin e bibliotekës së qytetit; 5. Shqyrtimi i projekt-vendimit për faljen e borxhit të pa paguar për taksën në aktivitet; 6. Shqyrtimi i projekt-vendimit për caktimin e lokacionit për vendosjen e trafostacioneve dhe dhënien në shfrytëzim afatgjatë të pronës së paluajtshme të komunës; 7. Shqyrtimi i projekt-vendimit për miratimin e raportit të komisionit për shqyrtimin e ofertave për dhënien në shfrytëzim afatgjatë të pronë së komunës; 8. Shqyrtimi i projekt-vendimit për miratimin e llogarisë përfundimtare të të ardhurave dhe të shpenzimeve të buxhetit të Komunës së Suharekës për periudhën Janar–Dhjetor 2016 si dhe 9. Informatë për planifikim përfundimtar të prokurimit;

Kuvendi Komunal unanimisht i ka dhënë përkrahje propozimit të kryetarit Sali Asllanaj, për të emëruar Bibliotekën e qytetit me emrin e martirit Hajdin Berisha, i cili u vra më 26 mars të vitit 1999 në masakrën e Berishëve. Unanimisht u votua edhe projekt-vendimi për faljen e borxheve të pa paguara, por u tha që Komuna të kërkojë nga këta borxhlinj që firmat që nuk janë aktive dhe kanë borxh, pas faljes së borxhit ato të mbyllen. Ndër pikat që më së shumti u debatua ishte Shqyrtimi i projekt-vendimit për rialokimin e mjeteve buxhetore për vitin 2017 dhe shqyrtimi i projekt-vendimit për miratimin e llogarisë përfundimtare të të ardhurave dhe të shpenzimeve të buxhetit të Komunës së Suharekës për periudhën Janar–Dhjetor 2016.

Kontrolloni gjithashtu

Kryetari Haliti me nderim të thellë dhe përgjegjësi institucionale, kujton 24 marsin, një nga datat më të rëndësishme në historinë moderne të Kosovës

Kryetari i komunës së Vitisë. z. Sokol Haliti  me anë të një postimi në Facebook, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara