Ferizaj i bëri homazh Nexhmije Pagarushës përmes muzikës së saj të pavdekshme

17/07/2026 Institucionet

Brenda manifestimit “Ditët e Mërgatës”, mbrëmë në Ferizaj u mbajt koncerti “Homazh për Nexhmije Pagarushën”, i organizuar nga Fondacioni Ramë Lahaj në bashkëpunim me Drejtorinë për Kulturë, Rini dhe Sport të Komunës së Ferizajt.

Në një atmosferë të ngrohtë dhe plot emocione, publiku pati mundësinë të rikthehej te disa nga këngët më të bukura të repertorit shqiptar, të interpretuara me ndjeshmëri dhe mjeshtëri artistike.

Në skenë performuan Alma Bektashi, Liridon Sadriu, Malvina Likaj dhe Samir Shehu, të shoqëruar nga Pagarusha Band. Aranzhimet e reja muzikore të Shpëtim Saraçit sollën një dimension të ri artistik, duke ruajtur njëkohësisht frymën dhe elegancën e këngëve të Nexhmije Pagarushës.

Kjo mbrëmje ishte një homazh i denjë për figurën e një prej artisteve më të mëdha shqiptare, trashëgimia e së cilës vazhdon të frymëzojë breza të tërë dhe të mbetet pjesë e rëndësishme e identitetit tonë kulturor.

Faleminderit Fondacionit Ramë Lahaj, artistëve dhe publikut që e bënë këtë mbrëmje një festë të bukur të muzikës shqiptare.

Kontrolloni gjithashtu

Komuna e Malishevës vazhdon mirëmbajtjen e ambientit dhe hapësirave të gjelbra

Komuna e Malishevës, përkatësisht Drejtoria e Shërbimeve Publike, po vazhdon angazhimin në mirëmbajtjen e ambientit …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara