Ferizaj së shpejti me plan të ri zhvillimor komunal dhe harta zonale

Tema të tjera...

Kryetari Smajl Latifi të mërkurën mban takimin e dytë publik me qytetarë

22/12/2025

U mbajt takimi i katërt publik me punëtorët e Administratës komunale

22/12/2025

Kryetari Sami Lushtaku priti në takim drejtuesit e FC Drenica,

18/12/2025

MIRË SE VINI, MËRGIMTARË!

18/12/2025

Kryetari Ekrem Kastrati ka pritur në takim Ambasadorin e Mbretërisë së Bashkuar në Kosovë, z. Jonathan Hargreaves.

18/12/2025

Rexhep Mazreku, sot mbylli një kapitull të gjatë shërbimi për Malishevën, por jo edhe rrugën e përkushtimit të tij për këtë vend

18/12/2025

Komuna e Ferizajit po punon në dy dokumente të rëndësishme në hartimin e planit zhvillimor komunal dhe në hartat zonale.

Qytetit i Ferizajt shumë shpejt do të bëhet me planin e ri zhvillimor komunal dhe me harta zonale. Drejtori i Urbanizmit dhe Mjedisit Faik Grainca, tha se këto dy dokumente janë shumë të rëndësishme për qytetin e Ferizajt.

“Hartimi i planit zhvillimor komunal është një plan strategjik, multisektorial i cili përcakton zhvillimet ekonomike, sociale  dhe hapësinore për tërë komunën tone. Ju e dini se ne kemi pasur një plan zhvillimor që nga vitit 2008 me një afat 3 vjeçar dhe ky është plani i dytë zhvillimor që do ta bëjë komuna. Me ligjin për planifikim hapësinor  është përcaktuar se në raste të tilla,  plani zhvillimor komunal e bënë komuna e Ferizajit,  kurse hartën zonale e bënë përmes procedurës së tenderimit të paraparë sipas ligjit mbi prokurimit publik”.

Sipas numrit një të urbanizmit në Ferizaj, komuna jonë ka filluar më këto dy dokumente ku tashmë janë formuar edhe grupet sektoriale për grumbullimin e shënimeve që janë të nevojshme për planin zhvillimor komunal, por shënime të tilla që shfrytëzohen edhe për hartat zonale.

“Ne jemi duke mbledhur shumë shënime për këtë çështje,  për zonat bujqësore që do të përcaktohen në planin zhvillimor komunal,  për zonat ndërtimore, për  zonat e gjelbëruara ku duhet të përcaktojmë pyjet , hartën hidrografike , lumenjtë si dhe zonat e mbrojtura. Po ashtu duhet që me planin zhvillimor komunal të përcaktojmë prioritete e infrastrukturës  se qytetit tonë për tetë vitet  e ardhshme , si kanalizimet, ujësjellës  dhe shumë elemente të tjera të infrastrukturës. Jemi duke grumbulluar  shënime edhe rreth popullatës se sa është numri i banorëve, çfarë grupmosha ka,  sepse në bazë të kësaj ne mund ta përcaktojmë planin strategjikë  në zhvillimin e arsimit,  në ndërtimin e çerdheve  dhe shkollave se pa ato shënime ne nuk mund të kemi një plan të mire. Ne jemi në fazën përfundimtare  të grumbullimit të këtyre fakteve në bazë të se cilave do të behët plani zhvillimor komunal”, ka thënë drejtori Grainca.

Që ky proces të jetë sa më i lehtë për komunat e Republikës së Kosovës, ministria e planifikimit hapësinor  tashmë ka instaluar edhe një program të avancuar i cili quhet SPAK , program ky që nënkupton sistemin e  informacionit dhe të planifikimit hapësinor të Kosovës.

Po ashtu në këtë plan u tha se Drejtoria e Urbanizmit në Ferizaj me 24 qershor ka organizuar edhe një diskutim publik, ku qytetarët ferizajas mund të japin idetë dhe propozimet e tyre ne mënyrë që plani zhvillimor komunal të jetë sa më i kompletuar.

“ Do të mundohemi që në këtë plan të bëjë  sa më shumë pjesë të gjelbëruara  të qytetit,  sepse Ferizaj si asnjë qytet tjetër në Kosovë ka të gjitha potenciale për të pasur sa më shumë gjelbërim. Ferizaj rrethohet me fshatrat  që e kanë përfunduar infrastrukturën, fshatra të cilat ka mundësi  që të caktohen zona të gjelbërta  në veçanti  në pjesën perëndimore në pjesën ku është edhe Bifurkacioni i lumit Nerodime”, ka nënvizuar Grainca.

U bë e ditur se gjatë këtij viti në Drejtorinë e Urbanizmit gjatë këtij viti ka lëshuar 16 leje indivudale tetë  leje kanë qenë kolektive dhe gjashtë të tjera mjedisore. U tha se tash për tash është bërë edhe një stagnim sa i përket dhënies së lejeve ndërtimore për shkak të koeficientit të ulët të ndërtimit.