Paraditen e sotme, me angazhimin e Drejtorisë së Shëndetësisë dhe Mirëqenies Sociale të komunës së Ferizajt, u pranua donacioni nga International Charity Organization që përbëhet nga një aparat hemodialize. Dorëzimin e këtij donacioni e bëri drejtori i kësaj organizate z. Naser Gashi. Drejtori i Shëndetësisë dhe Mirëqenies Sociale të komunës së Ferizajt, Dr. Kemajl Emini, me të pranuar donacionin tha se e vlerëson këtë donacion që do t’i dhurohet Spitalit të Ferizajt në shërbim të pacientëve me hemodializë.