Jeton Emini emërohet nënkryetar për komunitete në Komunën e Ferizajt

30/01/2026 Institucionet

Nën kryesimin e kryesuesit z. Xhavit Zariqi, gjatë ditës së sotme është mbajtur mbledhja e dytë e rregullt e Kuvendit komunal të Ferizajt. Në këtë mbledhje kanë marrë pjesë drejtorët e drejtorive komunale, anëtarët e Kuvendit, si dhe përfaqësues të shoqërisë civile.

Drejtori i Drejtorisë së Zhvillimit Ekonomik dhe Turizmit Balton Dërguti ka bërë propozim-vendimin për aprovimin e marrëveshjes së bashkëpunimit dhe bashkëfinancimit ndërmjet Komunës së Ferizajt dhe Caritas Kosovës.

Po ashtu, me shumicë votash, nënkryetar i Komunës nga radhët e komuniteteve u zgjodh Jeton Emini.

Në rend dite ishte edhe aprovimi dhe miratimi i Planit të Punës së Kuvendit për vitin 2026.

Ndërkohë, në këtë mbledhje ishte paraparë që të të diskutohet edhe plotësim-ndryshimi i vendimit për themelimin e Komitetit për Politikë dhe Financa, si dhe propozim-vendimi për plotësim-ndryshimin e vendimit për themelimin e Komitetit për Komunitete,por këto pika të rendit të ditës u shtyen për mbledhjën tjetër të Kuvendit.

Kontrolloni gjithashtu

Kryetari Aliu fton me 17 shkurt secilin ferizajas të bashkohet në mbrojtje të vlerave të Ushtrisë Çlirimtare të Kosovës

Kryetari i komunës së Ferizajt, z. Agim Aliu ka pritur në takim z. Ismail Tasholli …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara