KKMSH: Vitia me 38 raste aktive të qytetarëve të prekur me COVID-19

08/02/2021 Institucionet

Komiteti Komunal për Mbrojtje dhe Shpëtim në Komunën e Hanit të Elezit, ka mbajtur takimin e rregullt, ku është diskutuar mbi gjendjen e pandemisë në komunën e Vitisë. Ky takim është kryesuar nga zëvendëskryetari i komunës së Vitisë, Hasan Aliu i cili bëri me dije se deri me tani në këtë komunë janë 38 raste aktive të qytetarëve të prekur me COVID-19, ku nga ta 7 janë të hospitalizuar. Ai kërkoj nga të gjitha partitë politike që mundësisht në këtë kohë të fushatës të ndjekin rekomandimet e IKSHP-së për të parandaluar përhapjen e këtij virusi. Ndërkaq Komandanti i Stacionit Policor në Viti, Afrim Halili ka folur edhe për angazhimet e zyrtarëve policor në këtë kohë të pandemisë por edhe të fushatës zgjedhore në prag të zgjedhjeve të parakohshme për Kuvendin e Republikës së Kosovës. Ai ka folur edhe për situatën e përgjithshme të sigurisë në këtë komunë duke e cilësuar atë si të qetë përpos rastit të fundit te sulmit me thikë të nxënësve. Kurse Hanife Jonuzi, Drejtoresh e Shëndetësisë në Viti bëri me dije se grumbullimet e shumta në tubimet politike gjatë fushatës mund të ndikojnë në rritjen e numrit të infektuarave prandaj kërkoj kujdes të shtuar. E Basri Aliu, Drejtor i Arsimit në Viti bëri me dije se 2 mësimdhënës janë të prekur nga virusi COVID-19, kurse dy të tjerë janë në vetizolim shkaku i anëtarëve të familjes që janë të prekur me virus. Ndërkaq rreth sigurimit të pakove ushqimore dhe higjienike për qytetarët në nevojë ka folur Ajet Sallahu, drejtor komunal në Viti.

Kontrolloni gjithashtu

E enjtja, dita e takimeve me qytetarët e komunës së Rahovecit

Të gjithë ata që shkuan për t’u takuar me udhëheqësin e komunës së Rahovecit dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara