Komuna e Dragashit merr përvoja nga Suhareka për blerjen e aparatit të mamografisë

23/11/2016 Institucionet

Me ndërmjetësimin e Zyrës Rajonale të OSBE-së në Prizren, sot një delegacion i Komunës së Dragashit, ka qëndruar në Komunën e Suharekës. Arsye e vizitës ishte marrja e përvojave nga Suhareka, për t’u pajisur me aparaturën e mamografisë, të cilën Komuna e Suharekës tashmë e ka blerë. Zyrtarja për të drejtat e njeriut nga OSBE-ja, znj.Zehra Taktak lidhur me takimin ka thënën se: “OSBE ka parë nevojën e shprehur nga Komuna e Dragashit për mamografi dhe duke qenë se është e njoftuar për praktiken e ngjashme në Suharekë, pranoi të ndihmojë këtë komunë në lehtësimin e shkëmbimit të përvojave me Suharekën”. Në takimin e përbashkët me delegacionin nga Dragashi që përfaqësohej nga drejtori i QKMF-së Ramadan Jashari, Zyrtari kryesor financiar Beqir Rushiti, Asamblistia nga radhët e PDK-së, Nazmie Nebiu-Veliu dhe zyrtarja për barazi gjinore, Lindita Kozmaqi-Piraj, u fol për mënyrën e gjetjes për blerje të aparaturës. Kryesuesi i Kuvendit z.Refki Gega, drejtori i drejtorisë së Shëndetësisë z.Frashër Behluli dhe drejtori i QKMF-së kanë fol rreth asaj se çfarë ka bërë Komuna e Suharekës, kurse zyrtarja për barazi gjinore Habibe Bytyçi, ka sqaruar se fillimisht kjo ka rrjedh si iniciativë nga ana e grupit të Këshilltareve femra në Kuvendin Komunal, që pastaj është përkrahur edhe nga kryetari i Komunës, Sali Asllanaj. Të njëjtën metodë do ta shfrytëzojmë edhe ne tha këshilltarja nga radhet e PDK-së në Kuvendin Komunal të Dragashit, Nazmie Nebiu-Veliu. Pas këtij takimi, pjesëmarrësit kanë vizituar QKMF-në në Suharekë dhe kanë parë për së afërmi aparaturën dhe hapësirën ku ai gjendet si dhe janë interesuar për stafin teknik që do të punojë me aparaturë.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara