Kryetari i komunës së Rahovecit, z. Smajl Latifi ka pranuar të mërkurën një mirënjohje nga Klubi i Hendbollit “Rahoveci” për mbështetjen e dhënë në edicionin 2025/2026.
Në takim me drejtorin sportiv të klubit, z. Afrim Deliu dhe bashkëpunëtorët e tij, kryetari Latifi tha se folëm për sukseset e deritanishme dhe objektivat e ardhshme të KH “Rahoveci”, një klub që prej vitesh është krenari e qytetit.
Uroj që viti 2026 të sjellë edhe më shumë fitore e trofe për hendbollistët tanë, ka shkruar në profilin e tij në facebook, kryetari i komunës së Rahovecit, z. Smajl Latifi.